Բարձր ջերմություն. բարդություններ

Բարձր ջերմություն. բարդություններ

Մանկահասակ՝ 6 ամսականից մինչև 5 տարեկան երեխաների մոտ բարձր ջերմությունը կարող է առաջացնել ջերմային (ֆեբրիլ) ջղաձգումներ կամ ցնցումներ:

Ֆեբրիլ ցնցումները սովորաբար ընթանում են գիտակցության կորստով և վերջույթների երկկողմանի ցնցումներով: Նման ցնցումները ծնողների համար սարսափեցնող են, սակայն դրանց գերիշխող մեծամասնությունը որևէ երկարատև ազդեցություն չունի:

Եթե բարձր ջերմող երեխայի մոտ ի հայտ է գալիս ցնցում՝

  • պառկացրեք երեխային մի կողմի կամ փորի վրա
  • երեխայի մոտից հեռացրեք բոլոր սուր կամ ծակող առարկաները
  • թուլացրեք հագուստը
  • պահեք երեխային՝ կանխելու վնասվածքները
  • երեխայի բերանի մեջ որևէ առարկա մի դրեք կամ մի փորձեք դադարեցնել ցնցումները:

Ֆեբրիլ ցնցումների մեծ մասն ինքնուրույն դադարում է: Նման ցնցումից հետո անպայման կապ հաստատեք ձեր բժշկի հետ, որ որոշվի բարձր ջերմության պատճառը:

Զանգեք 1-03 և կանչեք շտապբուժօգնություն կամ դիմեք անհետաձգելի բուժօգնության մոտակա բաժանմունք, եթե ցնցումը տևում է ավելի քան 5 րոպե:

Իմացե՛ք ավելին մանկահասակ երեխաների ֆեբրիլ ցնցումների մասին:

Հոդվածը վերանայվել է՝ 30-04-2021