Դուք կարող եք փորձել մի շարք բաներ՝ ջերմության ժամանակ ինքներդ ձեզ կամ ձեր երեխային ավելի հարմարավետ զգալու համար:
- Խմեք շատ հեղուկներ։ hեղուկներ խմելը կբարելավի մաշկի ջերմության կորուստը և կփոխարինի քրտինքի միջոցով կորցրած ջուրը: Ջուրն ու թափանցիկ արգանակը (բուլյոն) առողջ ընտրություն են: Մինչև 6 ամսական երեխաները պետք է ստանան միայն կրծքի կաթ կամ կաթնախառնուրդ:
- Ապահովեք հանգիստ միջավայր. վերականգնվելու համար հանգստի կարիք ունեք, իսկ ակտիվությունը կարող է բարձրացնել ձեր մարմնի ջերմաստիճանը:
- Ապահովեք զով պայմաններ. եթե չունեք դող և սարսուռ, հագեք թեթև հագուստ, պահեք սենյակի ջերմաստիճանը զով և քնեք միայն սավանով կամ թեթև վերմակով: Խուսափեք մարմինը տաքացնող միջոցներից, որոնք կարող են ավելի բարձրացնել ձեր ջերմությունը: Բացառեք սառը ցնցուղը կամ լոգանքը, որոնք կարող են վատթարացնել ձեր ինքնազգացողությունը:
Հոդվածը հրապարակվել է՝ 30-04-2021
Վերջին վերանայում՝ 23-04-2024