Առողջական խնդիրներ
Բարձր ջերմություն. կանխարգելում
1 րոպե
Դուք կարող եք կանխել բարձր ջերմությունը՝ նվազեցնելով վարակիչ հիվանդությունների ազդեցությունը:
Ահա մի քանի խորհուրդ, որոնք կարող են օգնել:
- Պատվաստվեք այնպես, ինչպես խորհուրդ է տրվում վարակիչ հիվանդությունների դեպքում, ինչպիսիք են գրիպը և COVID-19-ը:
- Հետևեք հանրային առողջապահական ուղեցույցներին դիմակ կրելու և սոցիալական հեռավորության պահպանման վերաբերյալ։
- Հաճախակի լվացեք ձեր ձեռքերը և սովորեցրեք ձեր երեխաներին անել նույնը, հատկապես ուտելուց առաջ, զուգարանից օգտվելուց հետո, մարդաշատ վայրերում կամ հիվանդի շրջապատում ժամանակ անցկացնելուց, կենդանիներին շոյելուց և հանրային տրանսպորտից օգտվելուց հետո:
- Ցույց տվեք ձեր երեխաներին, թե ինչպես պետք է մանրակրկիտ լվանալ ձեռքերը՝ օճառով ծածկելով յուրաքանչյուր ձեռքի և՛ առջևի, և՛ հետևի հատվածը և ամբողջությամբ լվանալով հոսող ջրի տակ:
- Ձեզ հետ վերցրեք ձեռքերի ախտահանիչ միջոցներ այն ժամանակ, երբ դուք չունեք օճառ և ջուր:
- Փորձեք խուսափել ձեր քթին, բերանին կամ աչքերին դիպչելուց, քանի որ սրանք են այն հիմնական ուղիները, որոնցով վիրուսներն ու բակտերիաները կարող են ներթափանցել ձեր օրգանիզմ և վարակ առաջացնել:
- Ծածկեք ձեր բերանը, երբ հազում եք, և ձեր քիթը, երբ փռշտում եք, և սովորեցրեք ձեր երեխաներին անել նույնը. հնարավորության դեպքում շրջվեք ուրիշներից և հազացեք կամ փռշտացեք ձեր արմունկի մեջ, որպեսզի խուսափեք մանրէների փոխանցումից:
- Խուսափեք ձեր երեխայի կամ երեխաների հետ կիսել բաժակներ, ջրի շշեր և սպասքի պարագաներ:
Հոդվածը տեղադրվել է՝ 30-04-2021 վերանայվել է՝ 05-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
