Ախտանիշներ - Սննդային թունավորում

Ախտանիշները տարբերվում են՝ կախված նրանից, թե ինչն է հիվանդության պատճառը:

Կախված պատճառից, դրանք կարող են սկսվել մի քանի ժամից կամ մի քանի շաբաթվա ընթացքում:

Ընդհանուր ախտանիշներից են՝

• ստամոքսի խանգարում
• փսխում
• փորլուծություն
• փորլուծություն՝ արյան հետքերով
• ստամոքսի ցավ և կծկանքներ (սպազմ)
• ջերմություն
• գլխացավ:

Ավելի հազվադեպ սննդային թունավորումը առաջացնում է նյարդաբանական ախտանիշներ և կարող է ստանալ ծանր ընթացք: Ախտանիշները կարող են ներառել՝

• մշուշոտ տեսողություն կամ երկտեսություն
• գլխացավ
• վերջույթների շարժունակության կորուստ
• կլման հետ կապված խնդիրներ
• մաշկի ծակծկոցներ կամ թմրածություն
• թուլություն
• ձայնի փոփոխություններ:

Ե՞րբ դիմել բժշկին

Նորածիններ և երեխաներ

Նորածինների և երեխաների մոտ փսխումն ու փորլուծությունը կարող են արագ զարգացնել մարմնի հեղուկի ցածր մակարդակ, որը նաև կոչվում է ջրազրկում: Սա կարող է նորածինների մոտ առաջացնել լուրջ խանգարումներ:

Զանգահարեք ձեր երեխայի բժշկին, եթե ձեր երեխայի ախտանիշները ներառում են փսխում և փորլուծություն և հետևյալներից որևէ մեկը՝

• վարքագծի կամ մտածողության անսովոր փոփոխություններ
• խիստ ծարավի զգացում
• միզարձակման քչացում կամ բացակայություն
• թուլություն
• գլխապտույտ
• փորլուծություն, որը շարունակվում է ավելի քան մեկ օր
• հաճախակի փսխումներ
• արյուն կամ թարախ կղանքում
• սև կամ ձութանման կղանք
• ստամոքսի կամ ուղիղ աղիքի (հետանցքի շրջանի) սուր ցավ
• որևէ աստիճանի ջերմություն մինչև 2 տարեկան երեխաների մոտ
• 38,9 °C կամ ավելի բարձր ջերմություն ավելի մեծ երեխաների մոտ
• այլ առողջական խնդիրների պատմություն (անամնեզ):

Չափահասներ

Չափահասները պետք է այցելեն իրենց բժշկին կամ շտապ օգնություն ստանան, եթե տեղի ունենան հետևյալը՝

• Nervous system symptoms, such as blurry vision, muscle weakness and tingling of skin.
• նյարդային համակարգի ախտանիշներ, ինչպիսիք են մշուշոտ տեսողությունը, մկանների թուլությունը և մաշկային ծակծկոցների զգացողությունը
• մտածողության կամ վարքագծի փոփոխություններ
• 39,4 °C կամ ավելի բարձր ջերմություն
• հաճախակի փսխումներ
• փորլուծություն, որը շարունակվում է ավելի քան երեք օր
• ջրազրկման ախտանիշներ՝ խիստ ծարավի զգացում, բերանի չորություն, միզարձակման քչացում կամ բացակայություն, խիստ թուլություն, գլխապտույտ կամ ուշագնացության զգացում:

Իմացե՛ք ավելին ջրազրկման մասին: