Գինգիվիտ․ ախտանիշներ

Առողջ լնդերը պինդ են, ունեն բաց վարդագույն տեսք և ազատ եզրով կիպ գրկում են ատամների վզիկների մակերեսները։

Գինգիվիտի կամ լնդաբորբի գանգատներն ու նշանները ներառում են՝

• այտուցված կամ փքված լնդեր
• մգացած կամ մուգ-կարմիր լնդեր
• ատամները խոզանակով կամ ատամնաթելով մաքրելիս հեշտ արյունահոսող լնդեր
• բերանի տհաճ հոտ (տհաճ շնչառություն կամ հալիտոզ)
• լնդերի ետքաշում (և ատամների վզիկների մերկացում)
• լնդերի լարվածություն:

Ե՞րբ դիմել ատամնաբույժին

Եթե նկատել եք գինգիվիտի որևէ գանգատ կամ ախտանիշ, պայմանավորվեք և առանց հետաձգելու այցելեք ատամնաբույժին: Որքան շուտ սկսվի բուժումը, այդքան ավելի մեծ է հավանականությունը, որ լնդաբորբը ետ կզարգանա և չի վերաճի ավելի ծանր ընթացքով պերիօդոնտիտի, որը կարող է բերել ատամի կորստի: