Առողջական խնդիրներ
ԳԷՌՀ․ բարդություններ
1 րոպե
Ժամանակի ընթացքում ձեր կերակրափողի լորձաթաղանթի քրոնիկ բորբոքումը կարող է առաջացնել հետևյալ բարդությունները։
- Կերակրափողի հյուսվածքի բորբոքում (էզոֆագիտ). ստամոքսի թթուն կարող է քայքայել կերակրափողի հյուսվածքը՝ առաջացնելով բորբոքում, արյունահոսություն և երբեմն բաց վերք (խոց): Էզոֆագիտը կարող է ցավ պատճառել և դժվարացնել կուլ տալը:
- Կերակրափողի նեղացում (էզոֆագեալ ստրիկտուրա). ստամոքսի թթվից կերակրափողի ստորին հատվածի վնասը առաջացնում է սպիական հյուսվածքի ձևավորում: Սպիական հյուսվածքը նեղացնում է սննդի ուղին, ինչը հանգեցնում է կուլ տալու հետ կապված խնդիրների:
- Կերակրափողի նախաքաղցկեղային փոփոխություններ (Բարետի կերակրափող). թթվից ստացված վնասը կարող է փոփոխություններ առաջացնել կերակրափողի ստորին հատվածը ծածկող հյուսվածքում (մետապլազիայի և դիսպլազիայի օջախներ): Այս փոփոխությունները կապված են կերակրափողի քաղցկեղի բարձր ռիսկի հետ:
Հոդվածը տեղադրվել է՝ 28-05-2018 վերանայվել է՝ 09-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
