ԳԷՌՀ (ռեֆլյուքս). բուժում

ԳԷՌՀ (ռեֆլյուքս). բուժում

ԳԷՌՀ-ի բուժումն ուղղված է գանգատների մեղմացմանը, բարդությունների ռիսկի նվազեցմանը, կյանքի որակի բարձրացմանը և կերակրափողային խոցերի վերականգնմանը։

Գաստրոէզոֆագեալ ռեֆլյուքս-հիվանդության (ԳԷՌՀ) բուժումը սովորաբար փուլային է և սկսվում է ապրելակերպի փոփոխություններից։

Ապրելակերպի փոփոխություններ

ԳԷՌՀ ախտանիշները կարելի է մեղմացնել կամ դրանց առաջացումը կարելի է կանխարգելել՝ բարեփոխելով ձեր ապրելակերպը։ Ահա որոշ խորհուրդներ՝

  • անցեք ճարպերի քիչ քանակներ պարունակող սննդակարգի
  • ըստ անհրաժեշտության, կարգավորեք ձեր կշիռը
  • սահմանափակեք ձեր ամենօրյա սուրճ, ալկոհոլ, շոկոլադ կամ կոֆեին պարունակող այլ մթերքների կամ ըմպելիքների օգտագործումը
  • եթե ծխող եք, ապա դադարեցրեք ծխելը, քանի որ այն կարող է գրգռել ձեր մարսողական համակարգը և խորացնել ռեֆլյուքսի համախտանիշները
  • խուսափեք մեծ քանակով սնունդ ընդունելուց, դրա փոխարեն այն ընդունեք փոքր չափաբաժիններով և հաճախակի
  • սնունդն ընդունեք դանդաղ և ոչ հապշտապ՝ մինչև կուլ տալը լավ ծամելով և մանրացնելով ուտելիքը
  • խուսափեք ուտելու ընթացքում մեծ քանակի հեղուկներ, հատկապես գազավորված ըմպելիքներ ընդունելուց
  • խուսափեք «խնդրահարույց» սննդամթերքներից կամ հեղուկներից, որոնք կարող են խորացնել ձեր գանգատները՝ սուրճ, ալկոհոլ, շոկոլադ, լոլիկ և այլն
  • խուսափեք շատ կծու, թթու, քաղցր և դառը սննդից, որը բարձրացնում է ստամոքսահյութի թթվայնությունը և ստամոքսաելքի հատվածում առաջացնում կծկողաշարժողական խանգարումներ
  • երեկոյան վերջին սնունդն ընդունեք անկողին մտնելուց 3-4 ժամ առաջ. սա վերաբերվում է նաև մրգերին
  • բարձրացրեք անկողնու գլխային հատվածը, եթե գիշերները ձեր գանգատները սրանում են։

Դեղեր

Եթե միայն ապրելակերպի փոփոխություններով ռեֆլյուքսի ախտանիշները չեն մեղմանում, ապա կարիք է առաջանում ընդունել որոշ դեղեր։ Նման դեպքերում բժիշկը ձեզ կնշանակի անտացիդներ, H2 հիստամինային ընկալիչների պաշարիչներ կամ պրոտեինային պոմպի արգելակիչներ։

Եթե դուք առողջական այլ խնդրի կապակցությամբ դեղեր եք ստանում, ապա խնդրեք ձեր բժշկին, որ նա համոզվի, որ դրանց մեջ չկան ձեր ռեֆլյուքսի հետ կապված գանգատները խորացնող դեղատեսակներ։

Վիրահատություն

Ծանր ռեֆլյուքսի կամ ապրելակերպի բարելավման և դեղերով բուժման անարդյունավետության ժամանակ ձեզ կարող է առաջարկվել լապարասկոպիկ վիրահատություն, որի նպատակն է ստորին կերակրափողային փականի գործունեության վերականգնումը և ստամոքս-կերակրափողային ռեֆլյուքսի կանխարգելումը։

Հոդվածը վերանայվել է՝ 17-05-2019