ԳԷՌՀ (ռեֆլյուքս). ախտանիշներ

ԳԷՌՀ (ռեֆլյուքս). ախտանիշներ

Գաստրոէզոֆագեալ ռեֆլյուքս-հիվանդության​ (ԳԷՌՀ​) ախտանիշները պայմանավորված են ստամոքսային թթու պարունակության դեպի կերակրափող​ հետհոսքով և վերջինիս լորձաթաղանթի բորբոքմամբ:

ԳԷՌՀ ամենատարածված ախտանիշներից են՝

  • ետկրծոսկրային կամ ստամոքսից դեպի վեր ձգվող այրոցի կամ անհարմարավետության զգացողություն (արոցք), որը սովորաբար ի հայտ է գալիս սնունդ ընդունելուց հետո և կարող է սաստկանալ գիշերները, պառկելիս կամ մարմինն առաջ թեքելիս, ինչպես նաև «ծանր» սնունդ ընդունելուց հետո
  • ետկրծոսկրային ցավեր, որը կարող է նմանվել սրտամկանի ինֆարկտին բնորոշ ցավերին
  • կլման դժվարացում (դիսֆագիա), հատկապես՝ պինդ կերակրատեսակներ ընդունելիս (միս, հաց կամ թխվածքներ)
  • սննդի կամ թթվային հեղուկի ռեգուրգիտացիա, որը ստամոքսահյութի և ստամոքսի այլ թթվային պարունակության ռեֆլյուքսն է և հայտնվելը ձեր ըմպանում և բերանում, որն ուղեկցվում է բերանում տհաճ, թթու համի զգացողությամբ
  • կոկորդում գոյացության զգացողություն։

Բուժումից դուրս մնացած ԳԷՌՀ կարող է բերել նաև հետևյալ նշանների զարգացմանը՝

  • ատամների քայքայում և լնդային հիվանդություն
  • «վատ» շնչառություն և բերանից տհաճ հոտ
  • գղտոցներ և վքնածություն (ստամոքսի փքվածության զգացում):

Եթե ունեք գիշերային ժամերի թթվային ռեֆլյուքս, ապա կարող եք նաև նշել՝

Որոշ մարդկանց մոտ նաև կարող են ի հայտ գալ կլման ակտին և կերակրափողով տաք կամ սառը պինդ սննդի և հեղուկների անցմանն ուղեկցող ցավեր (օդինոֆագիա), որը կարող է վկայել կերակրափողի լորձաթաղանթի էրոզիաների առկայության մասին։

Ե՞րբ դիմել բժշկին

Անմիջապես դիմեք անհետաձգելի բուժօգնության, եթե ունեք ետկրծոսկրային ցավեր, հատկապես, երբ նաև ունեք շնչարգելություն, ստորին ծնոտի կամ ձեռքերի ցավեր, որոնք կարող են զարգանալ սրտամկանի ինֆարկտի ժամանակ։

Այցելեք ձեր բժշկին, եթե՝

  • ունեք ԳԷՌՀ-ի սուր կամ հաճախակի ախտանիշներ
  • այրոցքի պատճառով ստիպված եք շաբաթական ավելի քան երկու անգամ ընդունել առանց դեղատոմսի վաճառվող դեղամիջոցներ
  • կլման ակտն ուղեկցվում է ցավերով կամ դժվարացած է
  • ունեք քաշի կորուստ
  • ռեֆլյուքսի գանգատներն ուղեկցվում են կրկնակի կամ արյունային փսխումներով
  • նկատել եք, որ ֆիզիկական ակտիվության ժամանակ գանգատները սրանում են (ինչը կարող է լինել սրտային հիվանդության նշան)։

Հոդվածը վերանայվել է՝ 10-05-2021