Ախտանիշներ - Թթվային ռեֆլյուքս

Գաստրոէզոֆագեալ ռեֆլյուքս հիվանդության​ (ԳԷՌՀ​) ախտանիշները կապված են թթվից կերակրափողի լորձաթաղանթի բորբոքման հետ:

ԳԷՌՀ-ի ընդհանուր գանգատներն ու ախտանիշները ներառում են՝

• ետկրծոսկրային կամ ստամոքսից դեպի վեր ձգվող այրոցի զգացողություն (արոցք), սովորաբար՝ ուտելուց հետո, որը կարող է ավելի վատանալ գիշերը կամ պառկած ժամանակ
• սննդի կամ թթու հեղուկի ստամոքսից ետ հոսք (ռեգուրգիտացիա), որն ուղեկցվում է բերանում տհաճ, թթու համի զգացողությամբ
• որովայնի վերին հատվածի կամ ետկրծոսկրային ցավ
• կուլ տալու դժվարացում (դիսֆագիա), հատկապես պինդ կերակրատեսակներ ուտելիս
• կոկորդում գոյացության զգացում։

Եթե ունեք գիշերային թթվային ռեֆլյուքս, կարող եք նաև ունենալ՝

• համառ հազ
• ձայնալարերի բորբոքում (լարինգիտ)
• նոր կամ վատթարացող ասթմա։

Որոշ մարդկանց մոտ նաև կարող են ի հայտ գալ կուլտ տալուց հետո կամ կերակրափողով տաք կամ սառը պինդ սննդի և հեղուկների անցմանն ուղեկցող ցավեր (օդինոֆագիա), որը կարող է վկայել կերակրափողի լորձաթաղանթի էրոզիաների առկայության մասին։

Ե՞րբ դիմել բժշկին

Անհապաղ դիմեք անհետաձգելի բուժօգնության, եթե ունեք ետկրծոսկրային ցավեր, հատկապես, երբ ունեք նաև շնչառության պակաս և հևոց, ստորին ծնոտի կամ ձեռքերի ցավեր: Սրանք կարող են լինել սրտամկանի ինֆարկտի գանգատներն ու ախտանիշները:

Պայմանավորվեք ձեր բժշկի հետ արտահերթ այց, եթե՝

• ունենում եք ԳԷՌՀ-ի սուր կամ հաճախակի կրկնվող ախտանիշներ
• շաբաթը երկու անգամից ավել օգտագործում եք այրոցքի դեմ դեղամիջոցներ: