Սրտամկանի ինֆարկտ

Սրտամկանի սուր ինֆարկտը ( «սրտի նոպա») զարգանում է, երբ սրտամկանի արյան հոսքը կտրուկ կրճատվում կամ արգելափակվում է։

Անոթի խցանման հիմնական պատճառը սրտի մեկ կամ մի քանի պսակային զարկերակների ներսում (լուսանցքում) ճարպերի, խոլեսթերինի և այլն նյութերի կուտակումն է: Ճարպային, խոլեսթերին պարունակող կուտակումները կոչվում են վահանիկներ: Վահանիկի առաջացման գործընթացը կոչվում է աթերոսկլերոզ:

Երբեմն ձևավորված վահանիկը կարող է պատռվել և առաջացնել մակարդուկ, որն արգելափակում է արյան հոսքը: Արյան հոսքի կրճատումը կարող է վնասել (իշեմիա) կամ մեռուկացնել (նեկրոզ) սրտամկանի մի մասը:

Սրտամկանի ինֆարկտը նաև հայտնի է որպես սրտի նոպա կամ սուր սրտամկանի ինֆարկտ` ընդգծելու հիվանդության սրընթաց զարգացումը:

Սրտամկանի ինֆարկտի անհետաձգելի բուժումը խիստ կարևոր է՝ փրկելու հիվանդի կյանքը:

Անհապաղ զանգեք 1-03 և կանչեք շտապբուժօգնություն, եթե կասկածում եք, որ ձեզ մոտ կամ այլ մարդու մոտ զարգացել է սրտամկանի ինֆարկտ։

Հոդվածը վերանայվել է՝ 26-01-2023