Չբարդացած ճողվածքի ժամանակ դուք և բժիշկը միասին որոշում եք ձեր հետագա քայլերը:
Որոշ դեպքերում, եթե ձեր ճողվածքը փոքր է կամ որևէ լուրջ գանգատ կամ խնդիր չունեք, բժիշկը կարող է ձեզ առաջարկվել, որ բուժական որևէ քայլ չձեռնարկվի, սակայն հսկվի հիվանդության հետագա ընթացքը: Նման դեպքերում բժիշկը ձեզ կտրամադրի մի շարք օգտակար խորհուրդներ:
Սակայն, եթե ունեք աճուկային ճողվածք, անկախ գանգատների առկայությունից, սովորաբար առաջարկվում է վիրահատություն, քանի որ ճողվածքի այս տեսակն ունի օղակվելու և բարդանալու բարձր հավանականություն։ Բացառություն կարող են լինել այն դեպքերը, երբ ձեր տարիքը բավականին բարձր է կամ առկա են վիրահատական միջամտության ռիսկը մեծացնող ուղեկցող հիվանդություններ:
Ներկայում կիրառվում է ճողվածքների վիրահատական բուժման երկու մոտեցում:
- Բաց վիրահատություն. վիրաբույժը կատարում է կտրվածք ճողվածքի շրջանում և շերտ առ շերտ վերականգնում և ամրացնում որովայնի պատը:
- Lապարոսկոպիկ վիրահատություն. վիրաբույժը ձեր որովայնի վրա կատարում է մի քանի փոքր կրտվածքներ և վերականգնում որովայնի պատը լապարոսկոպի միջոցով՝ ավելի քիչ վնասելով նույն այդ պատը և նվազեցնելով ճողվածքի կրկնվելու կամ վենտրալ (հետվիրահատական) ճողվածքի հավանականությունը։
Վիրահատության ժամանակ որովայնի պատը կարող է լրացուցիչ ամրապնդվել հատուկ իմպլանտների միջոցով:
Օղակված ճողվածքների ժամանակ անհրաժեշտություն է ծագում կատարելու ավելի ընդգրկուն անհետաձգելի վիրահատություն, որի ժամանակ ստուգվում է ճողվածքապարկում ճմլված աղիների կենսունակությունը և դրանց արյան հոսքի վերականգնման հավանականությունը:
Հոդվածը հրապարակվել է՝ 26-05-2018
Վերջին վերանայում՝ 07-04-2024