ՄԻԱՎ-ի և ՁԻԱՀ-ի ախտանիշները տարբեր են՝ կախված վարակի փուլից:

Առաջնային վարակ (սուր ՄԻԱՎ)

ՄԻԱՎ-ով վարակված որոշ մարդկանց մոտ զարգանում է գրիպանման հիվանդություն վիրուսի օրգանիզմ մտնելուց հետո 2-4 շաբաթվա ընթացքում: Այս հիվանդությունը, որը հայտնի է որպես առաջնային (սուր) ՄԻԱՎ վարակ, կարող է տևել մի քանի շաբաթ:

Հնարավոր գանգատներն ու ախտանիշները ներառում են՝

ջերմություն
գլխացավ
մկանային ցավեր և հոդացավեր
ցան
կոկորդի ցավ և բերանի ցավոտ վերքեր
այտուցված ավշային գեղձեր՝ հիմնականում պարանոցի վրա
փորլուծություն
քաշի կորուստ
հազ
գիշերային քրտնարտադրություն:

Այս ախտանիշները կարող են այնքան թեթև լինել, որ դուք նույնիսկ չնկատեք դրանք: Այնուամենայնիվ, ձեր արյան մեջ վիրուսի քանակությունը (վիրուսային բեռնվածություն) այս փուլում բավականին բարձր է: Արդյունքում, վարակն ավելի հեշտ է տարածվում առաջնային վարակի ժամանակ, քան հաջորդ փուլում։

Կլինիկական թաքնված (լատենտ) վարակ (քրոնիկ ՄԻԱՎ)

Վարակման այս փուլում ՄԻԱՎ-ը դեռ առկա է օրգանիզմում և արյան սպիտակ բջիջներում (լեյկոցիտներ): Այնուամենայնիվ, բազմաթիվ մարդիկ այս ընթացքում կարող են չունենալ որևէ ախտանիշ կամ վարակ:

Այս փուլը կարող է տևել երկար տարիներ, եթե դուք ստանում եք հակառետրովիրուսային բուժում (ՀՌԲ): Որոշ մարդկանց մոտ ավելի ծանր հիվանդություն զարգանում է շատ ավելի շուտ:

Ախտանիշային (սիմպտոմատիկ) ՄԻԱՎ վարակ

Քանի որ վիրուսը շարունակում է բազմանալ և ոչնչացնել ձեր իմունային բջիջները՝ ձեր օրգանիզմի այն բջիջները, որոնք օգնում են պայքարել մանրէների դեմ, ձեզ մոտ կարող են զարգանալ թեթև վարակներ կամ քրոնիկ գանգատներ և ախտանիշներ, ինչպիսիք են՝

ջերմություն
հոգնածություն
այտուցված ավշային հանգույցներ՝ հաճախ ՄԻԱՎ վարակի առաջին նշաններից մեկը
փորլուծություն
քաշի կորուստ
բերանի խոռոչի կանդիդոզ (կաթնախտ)
գոտևորող որքին (գոտևորող հերպես կամ հերպես զոստեր)
թոքաբորբ (պնևմոնիա):

Զարգացում դեպի ՁԻԱՀ

Ավելի լավ հակավիրուսային բուժումների հասանելիությունը կտրուկ նվազեցրել է ՁԻԱՀ-ից մահացությունը ամբողջ աշխարհում, նույնիսկ ռեսուրսներով աղքատ երկրներում: Այս փրկող բուժումների շնորհիվ այսօր ԱՄՆ-ում և այլ զարգացած երկրներում ՄԻԱՎ-ով վարակված մարդկանց մեծ մասը ՁԻԱՀ-ով չի հիվանդանում: Չբուժված ՄԻԱՎ-ը սովորաբար ՁԻԱՀ-ի է վերածվում մոտ 8-10 տարի հետո:

Երբ ՁԻԱՀ-ն առաջանում է, նշանակում է, ձեր իմունային համակարգը լրջորեն վնասվել է: Ձեզ մոտ ավելի հավանական է, որ զարգանան հիվանդություններ, որոնք սովորաբար առողջ իմունային համակարգ ունեցող մարդու մոտ հիվանդություն չեն առաջանում: Դրանք կոչվում են օպորտունիստական վարակներ կամ օպորտունիստական քաղցկեղ:

Այս վարակներից որոշների գանգատներն ու ախտանիշները կարող են ներառել՝