Ախտորոշում - Հեռատեսություն

Հեռատեսությունն ախտորոշվում է տեսողության ստուգմամբ, որը ներառում է լույսի բեկման՝ ռեֆրակցիայի գնահատում և աչքի քննություն:

Ռեֆրակցիայի գնահատումը թույլ է տալիս պարզել, թե արդյոք ունեք տեսողության խնդիրներ, ինչպիսիք են կարճատեսությունը կամ հեռատեսությունը, աստիգմատիզմը կամ պրեսբիոպիան: Ձեր բժիշկը կարող է օգտագործել տարբեր գործիքներ և ոսպնյակներ՝ ստուգելու մոտ գտնվող առարկաները (տառերը և թվերը) տարբերակելու և հստակ տեսնելու ձեր ունակությունը:

Ձեր ակնաբույժը, ամենայն հավանականությամբ, նաև կօգտագործի աչքի կաթիլներ, որ լայնացնի ձեր բբերը՝ ձեր ցանցաթաղանթի առավել ամբողջական զննման համար: Նման հետազոտությունը ձեր աչքերը դարձնում է լույսի նկատմամբ առավել զգայուն, և նման վիճակը կարող է տևել մի քանի ժամ: Ուստի, պետք է նախապես կազմակերպել ձեր տուն վերադառնալը՝ առանց ինքնուրույն ավտոմեքենա վարելու: