Ինքնօգնություն - Հիպոգլիկեմիա

Եթե ձեր արյան գլյուկոզի մակարդակն իջել է 3,9 մմոլ/լ (70 դգ․մլ) և ավելի ցածր, այս միջոցառումները կարող են բավականին արդյունավետ և օգտակար լինել:

Քայլ 1

Ընդունեք 15 գրամ արագ լուծվող ածխաջրատներ, օրինակ՝

• 6-7 հատ մարմելադ ԿԱՄ
• կես բաժակ սովորական քաղցրահամ (ոչ դիետիկ և ալկոհոլ չպարունակող) ըմպելիք ԿԱՄ
• կես բաժակ քաղցրահամ մրգահյութ ԿԱՄ
• 3 թեյի գդալ շաքարավազ կամ մեղր կամ գլյուկոզի հաբեր (համարժեք 15 գրամ ածխաջրատներին):

Քայլ 2

Սպասեք 15 րոպե և կրկին չափեք ձեր արյան շաքարը:

• Եթե ձեր գլյուկոզը հասել է (կամ գերազանցել է) 4 մմոլ/լ-ը, անցեք 3-րդ քայլին:
• Եթե ձեր գլյուկոզը մնում է 4 մմոլ/լ-ից ցածր թվերի վրա, կրկնեք 1-ին քայլը:

Քայլ 3

Ընդունեք երկար ազդող ածխաջրատներով սնունդ, օրինակ՝

• 1 կտոր հաց ԿԱՄ
• 1 բաժակ կաթ ԿԱՄ
• 1 կտոր քաղցրահամ միրգ ԿԱՄ
• 2-3 կտոր ծիրանի, թզի կամ այլ մրգի չիր ԿԱՄ
• 1 տուփ բնական և ցածր յուղայնության յոգուրտ ԿԱՄ
• մակարոն ԿԱՄ
• բրինձ:

Եթե, այնուամենայնիվ, ձեր արյան շաքարը մնում է ցածր թվերի վրա, կապ հաստատեք ձեր բժշկի հետ:

Եթե զգում եք, որ ձեր ինքնազգացողությունը և վիճակը չի բարելավվում, զանգեք 1-03 և կանչեք շտապբուժօգնություն: