Ֆիզիկական քննությունը (բուժզննում) սովորաբար այն ամենն է, ինչ անհրաժեշտ է աճուկային ճողվածքի ախտորոշման համար:
Ձեր բժիշկը կզննի ձեր աճուկի շրջանի արտափքումը: Քանի որ կանգնելը և հազը կարող են ճողվածքն ավելի տեսանելի դարձնել, հավանաբար ձեզ կառաջարկեն կանգնել և հազալ կամ ձգել որովայնի պատը:
Եթե ախտորոշումը պարզ չէ, ձեր բժիշկը կարող է նշանակել պատկերային հետազոտություն, ինչպիսին է որովայնի խոռոչի գերձայնային հետազոտությունը (սոնոգրաֆիա), համակարգչային տոմոգրաֆիան (ԿՏ) կամ մագնիսա-ռեզոնանսային տոմոգրաֆիան (ՄՌՏ):
Աճուկային ճողվածքն ախտորոշելիս ձեր բժիշկը նաև կորոշի, թե՝
- արդյոք ձեր աճուկային ճողվածքը ներուղղվող կամ չներուղղվող է` կախված նրանից, թե ձեռքով ճնշելիս ճողվածքապարկի պարունակությունը հնարավոր է ներուղղել դեպի որովայնի խոռոչ
- արդյոք ձեր աճուկային ճողվածքը ուղիղ կամ թեք է:
Հոդվածը հրապարակվել է՝ 26-07-2023
Վերջին վերանայում՝ 04-04-2024