Երիկամի քարեր

Երիկամի քարերն առաջանում են մեզի անլուծելի աղերի՝ բյուրեղների խտացումից։

Երիկամի քարերի առկայության դեպքում ասում են, որ մարդու մոտ առկա է երիկամաքարային (միզաքարային) հիվանդություն:

Երիկամի քարերը կարող են առաջացնել ուժեղ ցավեր, երբեմն՝ անդիմադրելի սաստկացմամբ, որը կոչվում է «երիկամային խիթ» (колика)։

Երիկամի քարերի առաջացման հավանականությունը բարձրանում է, եթե դուք նախկինում ունեցել եք նմանատիպ խնդիր, ձեր ընտանիքի անդամներից մեկնումեկի մոտ կա միզաքարային խնդիրը կամ դուք ունեք առողջական այլ խնդիրներ, օրինակ՝ գիրություն, բարձր արյան ճնշում կամ պոդագրա։

Որոշ դեղեր, օրինակ՝ հակավիրուսային հաբերը, կարող են բարձրացնել երիկամաքարային հիվանդության ռիսկը։

Մարդկանց մեծ մասի մոտ երիկամի քարերն առաջանում են առանց որևէ տեսանելի պատճառի։

Կան երիկամի քարերի տարբեր տեսակներ, սակայն դրանց մեծ մասը կազմված են կալցիումից։

Երիկամի քարերի առաջացրած ցավը

Երիկամի քարերը կարող են առաջացնել սուր ցավեր, թեև որոշ դեպքերում ցավերը կարող են մղվել ետին պլան կամ ընդհանրապես բացակայել։

Երիկամի ցավերը սովորաբար տեղակայվում են մեջքի շրջանում՝ քար պարունակող երիկամի կողմից, սակայն կարող են զգացվել նաև կողքից, որովայնի ստորին շրջանում կամ աճուկներում։ Ցավերն առաջանում են, երբ քարը գրգռում է միզուղիների լորձաթաղանթը կամ վնասում այն՝ տեղաշարժվելով երիկամներից դեպի միզապարկ (միզածորաններով) կամ միզապարկից դեպի աշխարհ (միզուկով)։

Երիկամի քարերի ախտանիշները

Եթե դուք ունեք միզուղիների քարեր, կարող եք նշել հետևյալ գանգատները՝

Երիկամի քարերի ախտորոշումը

Եթե բժիշկը կարծում է, որ ձեզ մոտ կարող են լինել երիկամի քարեր, նա հավանաբար կնշանակի մեզի և արյան հետազոտություններ, ինչպես նաև միզասեռական համակարգի ռենտգեն նկարահանում և (կամ) սոնոգրաֆիա, իսկ բարդ դեպքերում՝ նաև համակարգչային շերտագիր (CT):

Երիկամի քարերի բուժումը

Մեղմ երիկամային ցավերը կարելի է հանել Պարացետամոլով, սակայն սուր ցավերի ժամանակ պետք է տեղեկացնել ձեր բժշկին, հրավիրել շտապ օգնություն կամ ինքնուրույն այցելել մոտակա անհետաձգելի բուժօգնության բաժանմունք։

Փոքր քարերը կարող են մեզի միջոցով ինքնուրույն հեռանալ օրգանիզմից, իսկ մեծ քարերի դեպքում կարող է ծագել վիրահատական միջամտության կարիք։ Քարերը հեռացվում են վիրահատությամբ կամ փշրվում գերձայնով (ուլտրաձայն):

Եթե երիկամի քարերն ուղեկցվում են պիելոնեֆրիտով կամ միզուղիների վարակով, բժիշկը կարող է նշանակել հակաբիոտիկներ։

Երիկամի քարերի կանխարգելումը

Դուք կարող եք նվազեցնել երիկամի քարերի առաջացման ռիսկը, եթե՝

  • առատորեն ջուր խմեք
  • սննդակարգում նվազեցնեք մսի քանակը
  • ձեր սննդակարգում ներառեք ցիտրուսային մրգեր (օրինակ՝ նարինջ)
  • սննդակարգում ներառեք կաթնամթերքներ։

Հոդվածը վերանայվել է՝ 28-05-2020