Եթե բժիշկը կասկածում է, որ ունեք երիկամային քար, ձեզ կարող է առաջարկել որոշ հետազոտություններ և միջոցառումներ:
- Արյան թեստ. արյան անալիզները կարող են հայտնաբերել ձեր արյան մեջ չափազանց շատ կալցիում կամ միզաթթու: Արյան թեստի արդյունքները օգնում են վերահսկելու ձեր երիկամների առողջությունը և կարող են հուշել բժշկին, որ ստուգի այլ առողջական խնդիրների առկայությունը:
- Մեզի թեստ. 24-ժամյա հավաքված մեզի թեստը կարող է ցույց տալ, որ դուք միզում եք չափազանց շատ քար առաջացնող միներալներ կամ շատ քիչ դրանց առաջացումը կանխարգելող նյութեր: Այս թեստի համար բժիշկը կարող է խնդրել, որ դուք երկու օր անընդմեջ մեզ հավաքեք:
- Պատկերային հետազոտություններ. պատկերային հետազոտությունները կարող են ցույց տալ ձեր միզուղիներում երիկամային քարերի առկայությունը: Բարձր արագության կամ կրկնակի էներգիայով համակարգչային տոմոգրաֆիան (ԿՏ) կարող է հայտնաբերել նույնիսկ մանր քարերը: Սովորական որովայնային ռենտգենն ավելի հազվադեպ է օգտագործվում, քանի որ այս տեսակի պատկերային հետազոտությունը կարող է ցույց չտալ փոքր քարերը:
- Գերձայնային հետազոտություն (սոնոգրաֆիա). սա ոչ ինվազիվ, անցավ և արագ ու հեշտ կատարվող հետազոտություն է, որը կարող է հայտնաբերել երիկամային քարերի գերիշխող մեծամասնությունը:
- Մեզով դուրս եկած քարերի վերլուծություն. ձեզ կարող են խնդրել միզել քամիչի միջով, որ հայտնաբերեք մեզով հեռացվող քարերը: Դրանց լաբորատոր անալիզը կարող է բացահայտի ձեր երիկամային քարերի քիմիական կազմությունը: Ձեր բժիշկն օգտագործում է այս տեղեկությունը, որ որոշի, թե ինչն է ձեր երիկամներում քարեր առաջացնում և ծրագիր կազմի այլ քարերի կանխարգելման համար:
Հոդվածը հրապարակվել է՝ 12-03-2023
Վերջին վերանայում՝ 29-05-2024