Նկարագիր - Լակտոզի անտանելիություն

Լակտոզի անհանդուրժողականությամբ մարդիկ չեն կարողանում լիարժեք մարսել կաթում առկա շաքարը՝ լակտոզը (կաթնաշաքար):

Արդյունքում, կաթնամթերք ուտելուց կամ խմելուց հետո նրանք ունենում են փորլուծություն, գազեր և փքվածություն։ Վիճակը, որը նաև կոչվում է լակտոզի մալաբսորբցիա (թերներծծում), սովորաբար անվնաս է, սակայն ախտանիշները կարող են անհարմարություն ստեղծել:

Ձեր բարակ աղիում արտադրվող լակտոզ ֆերմենտի չափազանց քիչ քանակությունը սովորաբար պատասխանատու է լակտոզի անհանդուրժողականության համար: Դուք կարող եք ունենալ լակտազի ցածր մակարդակ և դեռ կարող եք մարսել կաթնամթերքը: Սակայն, եթե ֆերմենտի մակարդակը չափազանց ցածր է, ձեզ մոտ կարող է զարգանալ լակտոզի անհանդուրժողականություն, ինչը հանգեցնում է ախտանիշների առաջացմանը կաթնամթերք ուտելուց կամ խմելուց հետո:

Կաթի նկատմամբ ալերգիա

Լակտոզի անտանելիությունը տարբերվում է կաթի նկատմամբ ալերգիայից, որն օրգանիզմի իմունային ռեակցիա է՝ ուղղված ընդունված կաթի կամ կաթնամթերքի դեմ: Ալերգիկ ռեակցիան կարող է առաջացնել այնպիսի ախտանիշներ, ինչպիսիք են մաշկի քորը, ցանավորումը, շրթունքների այտուցվածությունը կամ դժվարաշնչությունը: Սուր կամ ծանր ալերգիկ ռեակցիան պահանջում է անհետաձգելի բժշկական օգնություն:

Իմացե՛ք ավելին կովի կաթի նկատմամբ ալերգիայի մասին: