Գրադարան
Ձախ փորոքի հիպերտրոֆիա. բարդություններ
1 րոպե
Ձախ փորոքի գերաճը ձևափոխում է սրտի կառուցվածքը և խոչընդոտում նորմալ գործունեությունը:
Մեծացած ձախ փորոքը կարող է՝
- թուլանալ (կորցնել կծկողական ուժը)
- պնդանալ և կորցնել էլաստիկությունը, որի պատճառով սրտի թուլացման փուլում ձախ փորոքում լցվում է ավելի քիչ արյուն և բարձրանում է սրտի ներսում արյան ճնշումը
- ճնշել փորոքի արյունատար անոթները (պսակային զարկերակներ) և կրճատել արյան հոսքը:
Այս ախտաբանական փոփոխությունների արդյունքում, ձախ փորոքի գերաճը կարող է բերել մի շարք բարդությունների, այդ թվում՝
- սրտի արյունամատակարարման թուլացում
- դեպի այլ օրգաններ բավարար քանակով արյուն արտամղելու անկարողություն (սրտային անբավարարություն)
- սրտի ռիթմի խանգարումներ (առիթմիա)
- անկանոն, հաճախ՝ արագացած սրտազարկ (տախիկարդիա), որը բարձրացնում է ինսուլտի զարգացման ռիսկը
- սրտամկանի՝ թթվածնով մատակարարման կրճատում (սրտամկանի իշեմիա)
- ինսուլտ
- սրտի և շնչառության գործունեության և գիտակցության հանկարծակի, անսպասելի կորուստ (սրտային հանկարծամահություն):
Հոդվածը տեղադրվել է՝ 15-03-2021 վերանայվել է՝ 14-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
