Ձախ փորոքի հիպերտրոֆիա. կանխարգելում

Ձախ փորոքի հիպերտրոֆիա. կանխարգելում

Բարձր արյան ճնշման պատճառով զարգացող ձախ փորոքի գերաճի կանխարգելման լավագույն ուղին առողջ արյան ճնշման պահպանումն է:

Ձեր արյան ճնշումը (կամ որ նույնն է՝ զարկերակային ճնշումը) ավելի լավ կառավարելու համար առաջարկում ենք հետևյալ պարզ միջոցները:

  • Վերահսկե՛ք բարձր արյան ճնշումը. տանն ունեցեք զարկերակային ճնշումը չափող սարք և հաճախակի չափե՛ք ձեր ճնշումը: Պարբերաբար հանդիպե՛ք ձեր բժշկին:
  • Պահպանե՛ք ձեր քաշը առողջ միջակայքում. ապացուցված է, որ ավելցուկային քաշի և բարձր արյան ճնշման միջև գործում է ուղղակի կապվածություն:
  • Ժամանակ հատկացրե՛ք ֆիզիկական զբաղմունքներին. կանոնավոր ֆիզիկական ակտիվությունն օգնում է արյան ճնշման նվազեցմանը և պահում այն նորմալ մակարդակի վրա: Նպատակ դրե՛ք շաբաթվա մեջ առնվազն 150 րոպե տրամադրել չափավոր ծանրաբեռնվածության ֆիզիկական ակտիվությանը և եղե՛ք ֆիզիկապես ակտիվ շաբաթվա օրերի մեծ մասը:
  • Դարձրե՛ք ձեր սննդակարգն առողջ. խուսափե՛ք հագեցած ճարպերով հարուստ և աղի սննդամթերքներից և սննդակարգում մեծացրե՛ք մրգերի ու բանջարեղենների չափաբաժինը: Խուսափե՛ք ալկոհոլային խմիչքներից կամ, ծայրահեղ դեպքում, օգտագործե՛ք դրանք միայն քիչ կամ չափավոր քանակներով:
  • Ձերբազատվե՛ք ծխախոտից. եթե ծխող եք, ծխելը դադարեցնելը բարելավում է ձեր ընդհանուր առողջությունը և կանխարգելում սրտամկանի ինֆարկտը: Զրուցե՛ք ձեր բժշկի հետ ծխախոտից ազատվելու արդյունավետ միջոցների մասին և թույլ մի՛ տվեք, որ ձեր ներկայությամբ ծխեն: Մի՛ ծխեք և թույլ մի՛ տվեք, որ ձեր ներկայությամբ ծխեն:

Հոդվածը վերանայվել է՝ 30-03-2021