Ձախ փորոքի գերաճը սովորաբար զարգանում է աստիճանաբար, որի վաղ փուլերում դուք կարող եք որևէ գանգատ կամ ախտանիշ չունենալ:
Երբ ձախ փորոքի հիպերտրոֆիան զարգանում է, կարող են ի հայտ գալ՝
- օդի պակասի զգացում և հևոց
- թուլություն կամ հոգնածություն
- ցավ կրծքավանդակում, հաճախ՝ ֆիզիկական գործ անելուց հետո
- սրտխփոցի զգացում (երբ սիրտը կարծես ուժգնացած է կծկվում կա «թփրտում է»)
- գլխապտույտ կամ ուշաթափություն:
Ե՞րբ դիմել բժշկին
Զանգեք 1-03 և կանչեք շտապբ օգնություն, եթե՝
- առկա են ավելի քան մի քանի րոպե տևող ետկրծոսկրային կամ սրտի շրջանի ցավեր
- ունեք սուր շնչարգելություն
- ունեք «աչքերի դեմը սևանալու» զգացողություն կամ կորցնում եք գիտակցությունը
- ունեք հանկարծակի ուժեղ գլխացավ, խոսքի դժվարություն կամ մարմնի մի կեսի թուլություն:
Այցելեք ձեր բժշկին, եթե ունեք թեթև հևոց կամ այլ ախտանիշներ, օրինակ՝ սրտխփոցի զգացողություն:
Եթե ունեք բարձր արյան ճնշում (զարկերակային հիպերտենզիա) կամ մեկ այլ հիվանդություն, որը բարձրացնում է ձախ փորոքի գերաճի ռիսկը, բժիշկը հավանաբար խորհուրդ կտա, որ պարբերաբար այցելեք նրան և վերահսկեք ձեր սրտի գործունեությունը:
Հոդվածը հրապարակվել է՝ 15-03-2021
Վերջին վերանայում՝ 23-04-2024