Գրադարան
Կարմրուկ․ բարդություններ
1 րոպե
Կարմրուկի բուռն ընթացքը կարող է բերել անհետաձգելի բուժօգնություն և հիվանդանոցային հսկողություն պահանջող տարբեր բարդությունների:
Կարմրուկի հանրահայտ բարդությունների ոչ ամբողջական ցանկը ներկայացվում է ստորև:
- Ականջի վարակ. կարմրուկի ամենատարածված բարդություններից մեկն ականջի բակտերիալ վարակն է (միջին օտիտ), որն իր հերթին կարող է բերել մաստոիտիդի:
- Բրոնխիտ, լարինգիտ կամ կրուպ. կարմրուկը կարող է բերել ձայնախորշի (լարինքս) բորբոքման կամ թոքերի գլխավոր օդատար ուղիների (բրոնխեալ խողովակներ) լորձաթաղանթի բորբոքման:
- Թոքաբորբ (պնևմոնիա). թոքաբորբը կարմրուկի տարածված բարդություններից է: Թուլացած իմունային համակարգով մարդկանց մոտ կարող է զարգանալ թոքաբորբի առանձնահատուկ վտանգավոր տեսակը, որը երբեմն բերում է մահվան:
- Էնցեֆալիտ. կարմրուկով 1000 մարդուց 1-ի մոտ զարգանում է գլխուղեղի բորբոքում: Էնցեֆալիտ կարող է զարգանալ կարմրուկից անմիջապես հետո կամ ամիսներ անց:
- Հղիության խնդիրներ. հղի կանայք պետք է ձեռնարկեն կարմրուկից խուսափելու առանձնահատուկ միջոցներ, քանի որ այս վարակը կարող է առաջացնել վաղաժամ ծննդաբերություն, նորածնի ցածր քաշ կամ մայրական մահ:
Երեխայի մոտ կարմրուկի բարդացած ընթացքը կարող է կապված լինել հետևյալ գործոնների հետ՝
- երկրորդային բակտերիալ վարակ
- ուղեկցող հիվանդություններ, օրինակ՝ թերաճ, ռախիտ
- արհեստական սնուցում:
Հոդվածը տեղադրվել է՝ 23-04-2019 վերանայվել է՝ 17-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
