Բարդություններ - Մոնոնուկլեոզ

Մոնոնուկլեոզի բարդությունները երբեմն կարող են լուրջ լինել:

Փայծաղի մեծացում

Մոնոնուկլեոզը կարող է առաջացնել փայծաղի մեծացում, որը կոչվում է սպլենոմեգալիա։ Ծայրահեղ դեպքերում ձեր մեծացած փայծաղը կարող է պատռվել՝ առաջացնելով սուր, հանկարծակի ցավ ձեր որովայնի վերին հատվածի ձախ մասում (ձախ թուլակող): Եթե ​​նման ցավ է առաջանում, անհապաղ դիմեք բժշկի, քանի որ հնարավոր է, որ շատպ վիրահատության կարիք ունենաք:

Լյարդային խնդիրներ

Կարող են նաև առաջանալ ձեր լյարդի հետ կապված խնդիրներ:

• Հեպատիտ. ձեզ մոտ կարող է զարգնալ լյարդի թեթև բորբոքում (հեպատիտ):
• Դեղնուկ. ժամանակ առ ժամանակ առաջանում է նաև մաշկի և աչքերի սպիտակենու դեղնություն:

Ավելի հազվադեպ բարդություններ

Մոնոնուկլեոզը նաև կարող է հանգեցնել ավելի քիչ տարածված բարդությունների:

• Սակավարյունություն (անեմիա). արյան կարմիր բջիջների (էրիթրոցիտների) և հեմոգլոբինի նվազում, որն այդ բջիջներում երկաթով հարուստ սպիտակուց է և իրականացնում է թթվածնի տեղափոխումը թոքերից դեպի օրգանիզմի բոլոր հյուսվածքներն ու օրգանները:
• Թրոմբոցիտոպենիա. արյան թիթեղիկների (թրոմբոցիտների) ցածր քանակություն` արյան բջիջներ, որոնք մասնակցում են մակարդմանը:
• Սրտային խնդիրներ. հազվադեպ, մոնոնուկլեոզը կարող է հանգեցնել սրտամկանի բորբոքման (միոկարդիտ):
• Նյարդային համակարգի բարդություններ. օրինակներից են՝ ուղեղապատյանի բորբոքում (մենինգիտ), ուղեղանյութի բորբոքում (էնցեֆալիտ) և Գիյեն-Բարեի համախտանիշ:
• Այտուցված նշագեղձեր, որոնք կարող են արգելափակել շնչառությունը:

Էպշտեյն-Բարի վիրուսը կարող է շատ ավելի ծանր հիվանդություններ առաջացնել այն մարդկանց մոտ, ովքեր ունեն թուլացած իմունային համակարգ: Թուլացած իմունային համակարգ ունեցող մարդիկ կարող են ներառել ՄԻԱՎ/ՁԻԱՀ-ով կամ օրգանների փոխպատվաստումից հետո իմունիտետը ճնշելու դեղեր ընդունող մարդկանց: