Գրադարան

Վարակային մոնոնուկլեոզ. ինքնօգնություն

Վարակային մոնոնուկլեոզ. ինքնօգնություն

Time Read 1 րոպե

Բացի շատ հանգստանալուց, այս քայլերը կարող են օգնել մոնոնուկլեոզի ախտանիշների թեթևացմանը:

  • Խմեք շատ ջուր և նոսրացված մրգահյութեր. հեղուկներն օգնում են թեթևացնելու ջերմությունը և կոկորդի ցավը և կանխելու ջրազրկումը:
  • Ընդունեք սովորական ցավազրկող. անհրաժեշտության դեպքում օգտագործեք ցավազրկողներ, ինչպիսիք են Ացետամինոֆենը (Պարացետամոլ, Թայլենոլ և այլն) կամ Իբուպրոֆենը (Ադվիլ, Մոտրին IB և այլն): Այս դեղերը չունեն հակավիրուսային հատկություն։ Օգտագործեք դրանք միայն ցավը կամ ջերմությունը թեթևացնելու համար: Զգույշ եղեք երեխաներին կամ դեռահասներին Ասպիրին տալիս: Չնայած Ասպիրինը հաստատված է 3 տարեկանից բարձր երեխաների օգտագործման համար, ջրծաղիկից կամ գրիպանման ախտանիշներից ապաքինվող երեխաները և դեռահասները երբեք չպետք է Ասպիրին ընդունեն: Դա պայմանավորված է նրանով, որ Ասպիրինը կապված է Ռեյի համախտանիշի հետ, որը նման երեխաների մոտ հազվադեպ, սակայն հավանական կյանքին սպառնացող վիճակ է:
  • Ողողեք աղաջրով. դա արեք օրը մի քանի անգամ՝ կոկորդի ցավը թեթևացնելու համար։ Խառնեք 1/4 թեյի գդալ (1,5 գրամ) աղ 237 միլիլիտր գոլ ջրի մեջ:

Համբերեք՝ մինչև կվերադառնաք մարզումներին և այլ որոշ գործունեությանը

Մոնոնուկլեոզի գանգատների և ախտանիշների մեծ մասը մեղմանում է մի քանի շաբաթվա ընթացքում, սակայն կարող է տևել երկու-երեք ամիս, մինչև դուք լիարժեք նորմալ զգաք: Որքան շատ հանգստանաք, այնքան շուտ կվերականգնվեք։ Ձեր սովորական առօրյային շատ շուտ վերադառնալը կարող է մեծացնել կրկնությունների (ռեցիդիվների) ռիսկը:

Փայծաղի պատռման ռիսկից խուսափելու համար ձեր բժիշկը կարող է առաջարկել ձեզ սպասել մոտ մեկ ամիս, մինչև վերադառնաք եռանդուն գործունեությանը, ծանրությունը բարձրացնելուն կամ կոնտակտային մարզաձևերին: Փայծաղի պատռումը հանգեցնում է ծանր ներքին արյունահոսության և հանդիսանում է անհետաձգելի բուժօգնություն պահանջող վիճակ:

Հարցրեք ձեր բժշկին այն մասին, թե երբ է ձեզ համար անվտանգ վերականգնել ձեր ակտիվության բնականոն մակարդակը: Ձեր բժիշկը կարող է խորհուրդ տալ աստիճանական վարժանքների ծրագիր, որը կօգնի ձեզ վերականգնել ձեր ուժը վերականգնման ընթացքում:

Բուժում      

Հոդվածը տեղադրվել է՝ 21-04-2023 վերանայվել է՝ 22-04-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը: