Գրադարան
Միոկարդիտ. ախտանիշներ
1 րոպե
Վաղ միոկարդիտով որոշ մարդիկ գանգատներ չեն նշում: Մյուսներն ունեն թեթև ախտանիշներ:
Միոկարդիտի ամենատարածված ախտանիշներից են՝
- կրծքավանդակի ցավ
- թուլություն և հոգնածություն
- ոտքերի, սրունք-թաթային շրջանի և ոտնաթաթերի այտուց
- հաճախացած կամ անկանոն սրտազարկ (առիթմիաներ)
- օդի պակաս և հևոց՝ հանգիստ վիճակում կամ ֆիզիկական ակտիվության ընթացքում
- գլխապտույտ և ուշագնաց լինելու զգացում
- գրիպանման ախտանիշներ՝ գլխացավ, մարմնի կոտրտվածություն, հոդացավ, ջերմություն կամ ըմպանացավ:
Երբեմն միոկարդիտի ախտանիշները նմանվում են սրտամկանի ինֆարկտի նշաններին: Բոլոր դեպքերում, եթե ունեք սրտի շրջանի անբացատրելի ցավ և շնչարգելություն, դիմեք անհետաձգելի բուժօգնության:
Միոկարդիտը երեխաների մոտ
Երբ երեխայի մոտ զարգանում է միոկարդիտ, առաջանում են հետևյալ ախտանիշները՝
- դժվարաշնչություն
- կրծքավանդակային ցավ
- ուշագնացություն
- ջերմություն
- հաճախացած շնչառություն
- հաճախացած կամ անկանոն սրտազարկ (առիթմիաներ):
Ե՞րբ դիմել բժշկին
Կապ հաստատեք բժշկի հետ, եթե ունեք միոկարդիտի ախտանիշներ: Դրանք կարող են նմանվել սրտամկանի ինֆարկտի գանգատներին: Անհապաղ դիմեք անհետաձգելի բուժօգնության, եթե ունեք անբացատրելի կրծքավանդակային ցավ, հաճախացած սրտազարկ կամ հևոց:
Եթե ախտանիշները ծանր են, զանգեք 1-03 և կանչեք շտապ օգնություն:
Հոդվածը տեղադրվել է՝ 18-01-2023 վերանայվել է՝ 16-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
