Ոչ ալերգիկ կամ վազոմոտոր ռինիտն արտահայտվում է փռշտոցով կամ քթի լցվածությամբ, փակվածությամբ կամ քթահոսությամբ:
Այն կարող է լինել երկարաժամկետ խնդիր՝ չունենալով որէև հստակ պատճառ: Ախտանիշները նման են ալերգիկ ռինիտի (հարբուխի) ախտանիշներին, որը նաև կոչվում է խոտային տենդ: Սակայն, ոչ ալերգիկ ռինիտի պատճառը ալերգիան չէ:
Ոչ ալերգիկ ռինիտը կարող է հանդիպել ինչպես երեխաների, այնպես էլ չափահասների շրջանում, սակայն ավելի տարածված է 20 տարեկանից հետո: Ախտանիշների դրսևորմանը նպաստող գործոնները (տրիգերներ) տարբերվում են անձից անձից: Դրանցից են՝
- օդածին փոշի, գոլորշի և այլ գրգռիչներ
- եղանակի փոփոխություններ
- դեղեր
- տաք կամ կծու կերակուրներ
- երկարաժամկետ կամ քրոնիկ առողջական խնդիրներ:
Բժիշկները հաճախ նախ համոզվում են, որ առկա ախտանիշները ալերգիայի պատճառով չեն: Ուստի, ձեզ կարող է անհրաժեշտ լինել հանձնել մաշկային կամ արյան թեստեր՝ պարզելու, թե արդյոք ունեք ալերգիկ ռինիտ:
Իմացե՛ք ավելին ալերգիկ ռինիտի մասին:
Հոդվածը հրապարակվել է՝ 07-11-2023
Վերջին վերանայում՝ 23-04-2024