Գիրություն. ախտանիշներ

Մարմնի փոքր-ինչ ավելցուկային քաշը կարող է և որևէ խնդիր չառաջացնել, սակայն մի քանի «հավելյալ կիլոգրամները» արդեն կարող են առաջացնել առօրյային խանգարող նշաններ կամ առողջական խնդիրներ:

Գիրությունն ախտորոշվում է, երբ ձեր մարմնի զանգվածի գործակիցը (ՄԶԳ) 30 կամ ավելի բարձր է: Ձեր ՄԶԳ-ն որոշելու համար մարմնի քաշը (կիլոգրամներով) բաժանեք հասակի քառակուսու վրա (մետրերով):

ՄԶԳ	Քաշի վիճակը
18,5-ից ցածր	Պակասորդային քաշ
18,5-24,9	Նորմալ
25,0-29,9	Ավելցուկային քաշ
30,0 և բարձր	Գիրություն

Բազմաթիվ մարդկանց համար ՄԶԳ-ն ներկայացնում է մարմնի ճարպի մոտավոր գնահատականը: Սակայն ՄԶԳ-ը ուղղակիորեն չի չափում ճարպի չափաբաժինը, ուստի որոշ մարդիկ, օրինակ՝ մկանեղ մարզիկները, կարող են ունենալ գիրության դասին պատկանող ՄԶԳ, մինչդեռ չունենան մարմնի ավելցուկային ճարպ:

Ե՞րբ դիմել բժշկին

Հարցրեք ձեր բժշկին գիրության բուժման մասին, եթե անհանգստացած եք ավելցուկային քաշով պայմանավորված առողջական խնդիրներով: Դուք և ձեր բժիշկը միասին կարող եք գնահատել ձեր առողջական ռիսկը և քննարկել քաշի կարգավորման տարբերակները: