Գրադարան

Հղիության խոլեստազ․ ախտանիշներ

Հղիության խոլեստազ․ ախտանիշներ

Time Read 1 րոպե

Սաստիկ քորը հղիության կամ մանկաբարձական խոլեստազի հիմնական ախտանիշն է:

Սակայն, մաշկային ցան չկա։ Որպես կանոն, դուք քոր եք զգում ձեր ձեռքերի ափերի կամ ոտքերի ներբանների վրա, թեև քորը կարող է առաջանալ ամենուրեք՝ վերջույթների տարածիչ մակերեսներ, իրան, հետույք և որովայն: Քորը հաճախ ավելի է սաստկանում և անտանելի դառնում գիշերը և կարող է այնքան անհանգստացնել, որ չկարողանք քնել: Քորած տեղերում կարող են դիտարկվել մաշկի քերծվածքենր:

Քորն առավել հաճախ հայտնվում է հղիության 3-րդ եռամսյակում (սովորաբար` 30 շաբաթական հղիությունից հետո), սակայն երբեմն սկսվում է ավելի վաղ: Հայտնվելով հանկարծակի՝ քորը կարող է աստիճանաբար դառնալ մշտական և տարածուն՝ շարունակվելով հղիության ողջ մնացած ընթացքում։ Այն կարող է անտանելի դառնալ, երբ ձեր ծննդաբերության օրը մոտենում է: Սակայն, երբ ձեր երեխան ծնվում է, քորը սովորաբար մի քանի օրվա ընթացքում անհետանում է:

Հղիության խոլեստազի այլ ավելի քիչ տարածված գանգատներն ու ախտանիշները կարող են ներառել՝

  • մաշկի և աչքերի սպիտակուցների դեղնացում, որը կոչվում է դեղնուկ և կարող է ուղեկցվել մեզի մգացմամբ
  • սրտխառնոց
  • ախորժակի կորուստ
  • ճարպոտ, գարշահոտ և երբեմն գունազրկված կղանք:

Ե՞րբ դիմել բժշկին

Կապ հաստատեք ձեր հղիության ընթացքը հսկող բժշկի հետ, եթե սկսում եք զգալ մշտական կամ սաստիկ քոր։

Հոդվածը տեղադրվել է՝ 09-12-2023 վերանայվել է՝ 09-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով