Գրադարան

Ձվարանների գերխթանման համախտանիշ. կանխարգելում

Ձվարանների գերխթանման համախտանիշ. կանխարգելում

Time Read 1 րոպե

Ձվարանների գերխթանման կամ հիպերստիմուլյացիայի համախտանիշի (ՁԳԽՀ) զարգացման ձեր ռիսկը նվազեցնելու համար անհրաժեշտ կլինի անպտղության դեղամիջոցներով բուժումն անցնել անհատականացված ծրագրով:

Ուստի, ակնկալեք, որ ձեր բժիշկն ուշադիր կհետևի ձեր բուժման յուրաքանչյուր ցիկլին, այդ թվում, կնշանակի հաճախակի գերձայնային հետազոտություններ՝ ստուգելու ձեր ձվարաններում ֆոլիկուլների զարգացումը և արյան թեստեր՝ վերահսկելու ձեր հորմոնների մակարդակները:

ՁԳԽՀ-ի կանխարգելմանը նպաստող մոտեցումները ներառում են հետևյալը:

  • Դեղամիջոցների և դրանց դեղաչափերի կարգավորում. ձեր ձվարանները և ձվազատումը խթանելու համար բժիշկն ամենայն հավանականությամբ կնշանակի գոնադոտրոպինների ամենացածր հնարավոր դեղաչափերը:
  • Դեղորայքի ավելացում. որոշ դեղամիջոցներ, հավանական է, որ նվազեցնում են ՁԳԽՀ-ի ռիսկը՝ չազդելով հղիության հավանականության վրա: Դրանցից են՝ ցածր դեղաչափերով Ասպիրին, դոպամինի ագոնիստներ, ինչպիսիք են Կարբերգոլինը կամ Քինոգլոիդը և կալցիումի ներարկումներ: Պոլիկիստոզային ձվարանների համախտանիշ ունեցող կանանց մոտ Մետֆորմինը (Գլումեցա) ձվարանների խթանման ընթացքում կարող է օգնել գերխթանման կանխարգելմանը:
  • Բուժման ընդմիջում. եթե ձեր էստրոգենի մակարդակը բարձր է կամ ունեք մեծ թվով զարգացած ֆոլիկուլներ, բժիշկը կարող է խորհուրդ տալ, որ դադարեցնեք ներարկային դեղամիջոցներով բուժումը և մի քանի օրով հետաձգեք ձվազատումը խթանող HCG ստանալը:
  • HCG-ի խթանիչ ներարկումից խուսափում. ՁԳԽՀ-ը հաճախ զարգանում է HCG-ի խթանիչ ներարկումից հետո, ուստի մշակվել են HCG-ի խթանման այլընտրանքային տարբերակներ, օրինակ՝ գոնադոտրոպին ազատող հորմոնի (Gn-RH) ագոնիստները, ինչպիսին է Լեյպրոլիդը (Լուպրոն), որը կարող է կանխարգելել կամ սահմանափակել ՁԳԽՀ-ի զարգացումը:
  • Սաղմերի (էմբրիոնների) սառեցում. եթե անցնում եք արտամարմնային բեղմնավորում, ՁԳԽՀ-ի հավանականությունը նվազեցնելու համար բոլոր ֆոլիկուլները (հասուն և ոչ հասուն) կարող են հեռացվել ձեր ձվարաններից: Հասուն ֆոլիկուլները բեղմնավորում և սառեցվում են, որը ձեր ձվարաններին հանգստանալու ժամանակ է ապահովում: Դուք կարող եք վերսկսել արտամարմնային բեղմնավորման գործընթացն ավելի ուշ, երբ ձեր օրգանիզմը պատրաստ լինի:

Հոդվածը տեղադրվել է՝ 20-12-2023 վերանայվել է՝ 20-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով