Գրադարան

Ձվարանների գերխթանման համախտանիշ. ախտանիշներ

Ձվարանների գերխթանման համախտանիշ. ախտանիշներ

Time Read 1 րոպե

Ձվարանների գերխթանման կամ հիպերստիմուլյացիայի համախտանիշի (ՁԳԽՀ) գանգատներն ու ախտանիշները հաճախ սկսվում են ձվազատումը (օվուլյացիան) խթանելու համար ներարկային դեղամիջոցներ օգտագործելուց հետո մեկ շաբաթվա ընթացքում, թեև երբեմն ախտանիշները կարող են ի հայտ գալ երկու շաբաթ անց կամ ավելի ուշ:

Ախտանիշները կարող են տարբերվել՝ ստանալով թեթևից մինչև ծանր ընթացք կամ կարող են ժամանակի հետ վատթարանալ կամ բարելավվել:

Թեթևից մինչև չափավոր ՁԳԽՀ

Թեթևից մինչև չափավոր ընթացքով ՁԳԽՀ-ի ախտանիշները կարող են ներառել հետևյալը՝

  • որովայնի ոչ նորմալ փքվածություն կամ իրանի չափերի մեծացում
  • սրտխառնոց
  • փսխում
  • փորլուծություն
  • ձվարանների շրջանի ցավոտություն:

Որոշ կանայք, ովքեր օգտագործում են պտղաբերության ներարկային դեղամիջոցներ, կարող են նշել ՁԳԽՀ-ի թեթև ընթացք: Սա սովորաբար անհետանում է մոտ մեկ շաբաթ անց: Սակայն, եթե հղիությունը տեղի ունենա, ՁԳԽՀ-ի ախտանիշները կարող են վատթարանալ և տևել մի քանի օրից մինչև շաբաթներ:

Ծանր ՁԳԽՀ

Ծանր դեպքերում դուք կարող եք ունենալ՝

  • մարմնի քաշի արագ ավելացում՝ ավելի քան 1 կիլոգրամ 24 ժամվա ընթացքում
  • ուժեղ որովայնային ցավեր
  • ծանր, կայուն սրտխառնոց և փսխումներ
  • արյան մակարդուկներ (թրոմբ)
  • միզարձակման քչացում
  • շնչարգելություն և հևոց
  • որովայնի պնդացում կամ մեծացում:

Ե՞րբ դիմել բժշկին

Եթե ստանում եք անպտղության դեմ բուժումներ և ձեզ մոտ նկատում եք ՁԳԽՀ-ի ախտանիշներ, տեղեկացրեք այդ մասին ձեր բժշկին: Նույնիսկ թեթև ձևերի դեպքում ձեր բժիշկը կարող է ցանկանալ վերահսկել ձեր վիճակը՝ ստուգելու քաշի հանկարծակի ավելացումը կամ ախտանիշների վատթարացումը:

Անմիջապես կապ հաստատեք ձեր բժշկի հետ, եթե ձեզ մոտ անպտղության բուժման ընթացքում զարգանում են շնչառական խնդիրներ և ոտքերում ցավեր: Այս նշանները կարող են վկայել արագ բժշկական օգնություն ստանալու անհրաժեշտության մասին:

Հոդվածը տեղադրվել է՝ 20-12-2023 վերանայվել է՝ 20-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով