Պարկինսոնի հիվանդություն․ բուժում

Պարկինսոնի հիվանդություն․ բուժում

Պարկինսոնի հիվանդության վերջնական բուժում դեռևս գոյություն չունի, սակայն դեղերը և վիրահատությունը կարող են զգալիորեն մեղմացնել ձեր գանգատները։

Պարկինսոնի հիվանդության դեղերը

Պարկինսոնի հիվանդության ախտանիշները պատճառվում են գլխուղեղում դոֆամինի նորմայից ցածր մակարդակով։ Հիվանդության բուժման մեջ օգտագործվող դեղերը օգնում են ախտանիշների մեղմացմանը՝ խթանելով այս նյութի արտադրությունը կամ պարզապես փոխարինելով դրան։

Կան այս դեղերի տարբեր տեսակներ, որոնցից ավելի հաճախ օգտագործվում են հետևյալները՝

  • լեվոդոֆա, որը փոխարինում է դոֆամինին
  • դոֆամինի ագոնիստներ, որոնք խթանում են դոֆամինային ընկալիչները
  • COMT արգելակիչներ, որոնք խթանում են լեվոդոֆայի ազդեցությունը
  • MAO-B արգելակիչներ, որոնք օգնում են ուղեղում դոֆամինի քայքայման դադարեցմանը
  • անտիխոլինէրգիկներ, որոնք օգնում են տրեմորի մեղմացմանը
  • ամանտադին, որը նշանակվում է դիսկինեզիայով հիվանդներին, ովքեր երկար ժամանակ օգտագործել են լեվոդոֆա։

Տարբեր մարդիկ տարբեր դեղերին պատասխան են տալիս տարբեր ձևով, ուստի, ձեզ համար ամենահարմար դեղը գտնելու ջանքերը կարող են ժամանակ պահանջել։

Վիրահատություն

Որոշ մարդկանց ուղեղի խորը խթանման վիրահատությունը կարող է օգնել, որ նվազեցվի նշանակված դեղորայքի քանակը կամ մեղմացվեն անկանոն շարժումները։

Նյարդախթանման դեպքում հաստատուն հոսանքով գրգռում են ուղեղի այն շրջանները, որոնք պատասխանատու են մարմնի շարժումների համար: Դրա համար հիվանդի գլխուղեղ են ներմուծում բարակ էլեկտրոդներ, որոնք միանում են նյարդախթանիչին։ Վերջինս պատվաստվում է (իմպլանտավորվում) անրակի մաշկի տակ: Սովորաբար վիրահատության ընթացքում դուք արթուն եք մնում։

Այնուամենայնիվ, բուժման այս տարբերակը չի կարող նշանակվել բոլորին։ Մեկ այլ սահմանափակում է բուժման թանկարժեքությունը։

Ապրելակերպի փոփոխություններ

Ապրելակերպի փոփոխությունները, օրինակ՝ վարժանքների ծավալը մեծացնելը նույնպես կարող է օգտակար լինել։ Ձեզ կարող են նաև ուղեգրել ֆիզիոթերապևտիկ բուժման։

Հոդվածը վերանայվել է՝ 02-02-2021