Ախտորոշում - Պերիֆերիկ զարկերակային հիվանդություն

Ծայրամասային զարկերակների հիվանդությունը (ԾԶՀ) ախտորոշելու համար բժիշկը կզննի ձեզ:

Ձեզ սովորաբար հարցեր կտան ձեր ախտանիշների և հիվանդության պատմության վերաբերյալ (անամնեզ):

Եթե ​​ունեք ԾԶՀ, ձեր տուժած շրջանում անոթազարկը (պուլս) կարող է թույլ լինել կամ բացակայել:

Հետազոտություններ

ԾԶՀ-ն ախտորոշելու համար նշանակվող հետազոտությունները ներառում են հետևյալը:

• Արյան թեստեր. արյան թեստեր. արյան թեստեր են արվում՝ ստուգելու ԾԶՀ-ի հետ կապված այնպիսի վիճակները, ինչպիսիք են բարձր խոլեստերինը, բարձր տրիգլիցերիդները և շաքարային դիաբետը:
• Կոճ-բազկային գործակից. սա հասարակ թեստ է, որն օգտագործվում է ԾԶՀ-ի ախտորոշման համար: Այն համեմատում է կոճի արյան ճնշումը ձեռքի արյան ճնշման հետ: Ձեզ կարող են խնդրել քայլել վազքուղու վրա: Արյան ճնշումը կարող է չափվել ֆիզիկական վարժանքից առաջ և անմիջապես հետո՝ քայլելու ընթացքում զարկերակները ստուգելու համար:
• Ոտքերի կամ ոտնաթաթերի գերձայնային հետազոտություն (դոպլեր). այս պատկերային հետազոտությունն օգտագործում է ձայնային ալիքներ՝ տեսնելու, թե ինչպես է արյունը շարժվում արյունատար անոթներով: Դոպլեր գերձայնը գերձայնի հատուկ տեսակ է, որն օգտագործվում է խցանված կամ նեղացած զարկերակները հայտնաբերելու համար:
• Անգիոգրաֆիա. այս պատկերային հետազոտությունն օգտագործում է ռենտգենյան ճառագայթներ, մագնիսա-ռեզոնանսային տոմոգրաֆիա (ՄՌՏ) կամ համակարգչային տոմոգրաֆիա (ԿՏ)՝ զարկերակների խցանումներ հայտնաբերելու համար: Մինչ բուն հետազոտությունը արյունատար անոթի մեջ ներարկվում է գունանյութ (կոնտրաստ), որն օգնում է զարկերակներին ավելի հստակ պատկերմանը: