Ծայրամասային զարկերակների հիվանդություն. ախտորոշում

Ծայրամասային զարկերակների հիվանդություն. ախտորոշում

Մեր օրերում ծայրամասային զարկերակների հիվանդության ախտորոշումը որևէ դժվարություն չի ներկայացնում։

Եթե բժիշկը կասկածում է, որ ունեք ծայրամասային զարկերակների հիվանդություն, գանգատները լսելուց և հիվանդության պատմությանը ծանոթանալուց հետո կդիմի հետևյալ ախտորոշիչ մեթոդներին:

  • Արտաքին զննում. բժիշկը կարող է գտնել հիվանդության որոշ նշաններ զննման ընթացքում, օրինակ՝ զարկերակի նեզացած շրջանից ներքև անոթազարկի (պուլս) թուլացում կամ բացակայություն, սթետոսկոպով լսելիս զարկերակի վրա խզզոցներ և այլ աղմուկներ, վատ արյունամատակարարվող շրջանում ուշ լավացող վերքի առկայություն, ախտահարված վերջույթի վրա արյան ճնշման նվազեցում և այլն:
  • Պճեղ-բազկային գործակից. սա ծայրամասային զարկերակների հիվանդության ախտորոշելիս լայնորն օգտագործվող թեսթ է, որը համեմատում է արյան ճնշումը սրունքի (սրունք-թաթային հոդից քիչ վեր) և բազկի միջև: Բժիշկը կարող է նաև հատուկ գերձայնային սարքով գնահատել արյան ճնշում և հոսքը (դոպլեր) կամ առաջարկել, որ չափումներն անցկացվել տրեդմիլից առաջ և անմիջապես հետո, որ գնահատի քայլելու ընթացքում զարկերակների նեղացման աստիճառը:
  • Գերձայնային հետազոտություն (դոպլեր). սա հատուկ գերձայնային պատկերման մեթոդ է, որն օգնում է բժշկին գնահատելու արյան հոսքն արյունատար անոթներով և գտնելու խցանված կամ նեղացած զարկերակները:
  • Անգիոգրաֆիա. կոնտրաստային նյութի ներարկմամբ անգիոգրաֆիան թույլ է տալիս ռեալ ժամանակի մեջ դիտել արյան հոսքը զարկերակներով: Արյան հոսքը կարող է գնահատվել՝ օգտագործելով ռենտգեն, մագնիսա-ռեզոնանսային անգիոգրաֆիա կամ համակարգչային տոմոգրաֆիկ անգիոգրաֆիա: Ըստ իրավիճակի բժիշկը կարող է առաջարկել կաթետերային անգիոգրաֆիա: Զրուցեք բժշկի հետ անգիոգրաֆիայի տարբեր տեսակների օգտակարության և հնարավոր ռիսկերի մասին:
  • Արյան թեստեր. բժշկին հավանաբար նաև կհետաքրքրի ձեր արյան մակարդելիության ցուցանիշները, խոլեսթերինի և տրիգլիցերիդների մակարդակները, ինչպես նաև կստուգի գլյուկոզը, որ բացառի կամ հայտնաբերի դիաբետը։

Հոդվածը վերանայվել է՝ 28-05-2021