Նկարագիր - Պնևմոթորաքս

Պնևմոթորաքսը թոքի թորշոմումն է՝ կոլապսը:

Պնևմոթորաքսն առաջանում է, երբ օդը արտահոսում է ձեր թոքերի և կրծքավանդակի պատերի միջև ընկած տարածություն: Այս օդը արտաքինից ճնշում է ձեր թոքը և ստիպում, որ այն թորշոմի: Պնևմոթորաքսը կարող է ընդգրկել և կոլապսի ենթարկել ամբողջ թոքը կամ թոքի միայն մի մասը:

Պնևմոթորաքսը կարող է առաջանալ կրծքավանդակի բութ կամ թափանցող վնասվածքի, որոշակի բժշկական միջամտությունների կամ թոքային հիվանդությունների հետևանքով: Կամ դա կարող է առաջանալ առանց ակնհայտ պատճառի: Ախտանիշները սովորաբար ներառում են կրծքավանդակի հանկարծակի ցավը և շնչարգելությունն ու հևոցը: Որոշ դեպքերում թորշոմած թոքը կարող է կյանքին սպառնացող վիճակ դառնալ:

Պնևմոթորաքսի բուժումը սովորաբար ներառում է կողերի միջև ասեղի կամ կրծքավանդակի խողովակի տեղադրումը՝ ավելորդ օդը հեռացնելու համար: Այնուամենայնիվ, փոքր պնևմոթորաքսը կարող է ինքնուրույն բուժվել: