Skip to main content

Ախտորոշում - Պոլիկիստոզային ձվարաններ

Պոլիկիստոզային ձվարանների համախտանիշ (ՊԿՁՀ) ախտորոշման որևէ հատուկ հետազոտություն գոյություն չունի:

Ձեր բժիշկը հավանաբար կսկսի հիվանդության պատմության քննարկումից, այդ թվում հետաքրքրվելով ձեր դաշտանային ցիկլերով և մարմնի քաշի փոփոխություններով: Ֆիզիկական քննությունը կամ արտաքին զննումը կարող է ներառել մազերի ավելցուկային աճի, ինսուլինային կայունության և ակնեի (պզուկ) նշանների ստուգումը:

Այնուհետև ձեր բժիշկը կարող է խորհուրդ տալ հետևյալ հետազոտությունները:

  • Գինեկոլոգիական զննում (ներզննում). սա ներառում է վերարտադրողական օրգանների տեսողական և մատնային հետազոտությունը՝ ստուգելու հնարավոր գոյացությունների, գերաճի կամ այլ փոփոխությունների առկայությունը:
  • Արյան թեստեր. արյան թեստերը կարող են չափել հորմոնների մակարդակները: Այս թեստը կարող է օգնել ՊԿՁՀ-ին նմանվող դաշտանային շեղումների կամ անդրոգենային ավելցուկի այլ պատճառների ժխտմանը: Ձեր բժիշկը նաև կարող է առաջարկել գլյուկոզի տոլերանտության, ինչպես նաև քաղցած վիճակում խոլեսթերինի և տրիգլիցերիդների մակարդակների ստուգման թեստեր:
  • Գերձայնային հետազոտություն (սոնոգրաֆիա). սոնոգրաֆիան ձեր բժշկին հնարավորություն է տալիս ստուգելու ձվարանների արտաքին տեսքը և արգանդի լորձաթաղանթի հաստությունը: Սովորաբար առաջարկվում է տրանսվագինալ սոնոգրաֆիա, երբ բարակ ձողանման տվիչը կամ տրանսդյուսերը (датчик) տեղադրվում է հեշտոցի մեջ: Տվիչը ուղարկում և ընդունում է ձայնային ալիքներ, որոնց օգնությամբ համակարգչի էկրանին արտածվում են վերարտադրողական օրգանների ռեալ ժամանակի մեջ սոնոգրաֆիկ պատկերները:

Եթե ՊԿՁՀ-ի ախտորոշումը հաստատվում է, բժիշկը կարող է առաջարկել լրացուցիչ հետազոտություններ՝ ստուգելու հնարավոր բարդությունների առկայությունը: Դրանցից են՝

  • արյան ճնշման, գլյուկոզի տոլերանտության, խոլեսթերինի և տրիգլիցերիդների մակարդակների պարբերաբար ստուգում
  • դեպրեսիայի և տագնապի սքրինինգ
  • օբստրուկտիվ քնի ապնոէի սքրինինգ:

Հոդվածը հրապարակվել է՝ 14-07-2021
Վերջին վերանայում՝ 07-04-2024