Վաղաժամ ծննդաբերոթյունները սովորաբար սկսում են ինքնաբուխ, և դրանց նշանները սովորաբար նմանվում են ժամկետային ծննդաբերություններին։
Վաղաժամ ծննդաբերության գանգատներն ու ախտանիշները ներառում են՝
- որովայնի ձգման (կծկանքների) կանոնավոր կամ հաճախակի զգացողություններ
- մշտական բութ գոտկային ցավ
- կոնքի կամ որովայնի ստորին հատվածի ճնշման զգացողություն
- որովայնային թեթև կծկումներ (սպազմ) կամ ձգող, նվվացող ցավ
- հեշտոցային արտադրություն կամ թեթև արյունահոսություն
- թաղանթների վաղաժամ պատռվածք՝ երեխային շրջապատող թաղանթի պատռվելուց հետո հեղուկի արտահոսք կամ շարունակական թրջում
- հեշտոցային արտազատուկների բնույթի փոփոխություն՝ ջրային, լորձանման կամ արյունոտ:
Ե՞րբ դիմել բժշկին
Եթե դուք զգում եք այս գանգատները կամ ախտանիշները կամ մտահոգված եք ձեր վիճակով, անմիջապես դիմեք ձեր բժշկին: Մի՛ անհանգստացեք ծննդաբերական կեղծ կծկանքներն իրականի հետ շփոթելուց: Որևէ սարսափելի բան չի լինի, եթե ձեր անհանգստությունը կեղծ ահազանգ լինի:
Հոդվածը հրապարակվել է՝ 29-05-2023
Վերջին վերանայում՝ 23-04-2024