Գրադարան

Սկոլիոզ. ախտորոշում

Սկոլիոզ. ախտորոշում

Time Read 1 րոպե

Բժիշկը սկզբում մանրակրկիտ կերպով կծանոթանա երեխայի հիվանդության պատմության հետ (անամնեզ) և կարող է հարցեր տալ՝ կապված վերջին շրջանում գրանցված կեցվածքի փոփոխությունների մասին:

Ֆիզիկական քննության (բուժզննման) ժամանակ բժիշկը կարող է խնդրել, որ ձեր երեխան կանգնի, իսկ հետո իրանն առաջ թեքի՝ ձեռքերը թույլ կախելով, որ ստուգի, թե արդյոք կրծքավանդակի մի կողմն ավելի արտացցված է, քան մյուսը:

Ձեր բժիշկը նաև կարող է անցկացնել նյարդաբանական քննություն որ ստուգի՝

  • մկանային թուլությունը
  • թմրածությունը
  • ռեֆլեքսները:

Պատկերային հետազոտություններ

Սովորական ռենտգեն հետազոտությունը կարող է հաստատել սկոլիոզի ախտորոշումը և որոշել ողնաշարի կորացման աստիճանը: Ճառագայթման կրկնվող ազդեցությունը կարող է մտահոգիչ դառնալ, քանի որ տարիների ընթացքում կարող է առաջանալ կրկնակի ռենտգեն հետազոտություններ կատարելու անհրաժեշտություն՝ վիճակը վերահսկելու կամ սկոլիոզի վատթարացումը վաղ հայտնաբերելու համար:

Այս ռիսկը նվազեցնելու համար ձեր բժիշկը կարող է առաջարկել պատկերային համակարգի մի տեսակ, որն օգտագործում է ճառագայթման ավելի ցածր չափաբաժիններ՝ ողնաշարի եռաչափ (3D) մոդել ստեղծելու համար: Այնուամենայնիվ, այս համակարգը հասանելի չէ բոլոր բժշկական կենտրոններում: Գերձայնային հետազոտությունը ևս մեկ տարբերակ է, սակայն կարող է ավելի փոքր ճշգրտությամբ որոշել սկոլիոտիկ կորության ծանրության աստիճանը:

Մագնիսա-ռեզոնանսային տոմոգրաֆիա (ՄՌՏ) կարող է առաջարկվել, եթե ձեր բժիշկը կասկածում է, որ սկոլիոզի պատճառը մեկ այլ հիվանդությունն է, օրինակ՝ ողնուղեղի անկանոնությունը:

Հոդվածը տեղադրվել է՝ 20-12-2023 վերանայվել է՝ 20-12-2023

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով