Գրադարան
Ինքնավնասում. կանխարգելում
1 րոպե
Որևէ մեկի ինքնավնասման վարքագիծը կանխելու հստակ միջոց չկա:
Սակայն, ինքնավնասման ռիսկի նվազեցումը ներառում է մոտեցումներ, որոնք վերաբերվում են ինչպես անձանց, այնպես էլ համայնքներին: Ծնողները, ընտանիքի անդամները, ուսուցիչները, դպրոցի բուժքույրերը, մարզիչները կամ ընկերները կարող են օգնել:
- Բացահայտեք ռիսկային անձին և առաջարկեք օգնություն. ռիսկի տակ գտնվող անձին կարելի է սովորեցնել, թե ինչպես ավելի լավ կառավարել սթրեսը և հաղթահարել կյանքի խնդիրները: Անձը կարող է սովորել առողջ դիմակայման հմտություններ, որոնք կարող են օգտագործվել կյանքի դժվարին ժամանակաշրջաններում:
- Խրախուսեք աջակցող սոցիալական ցանցերը. միայնակ և բոլորից հեռացած զգալը կարող է լինել ինքնավնասման մի մաս: Օգնեք անձին, որ բարելավի իր փոխհարաբերությունները և հաղորդակցումը հաստատի առողջ դատող մարդկանց հետ:
- Բարձրացրեք իրազեկությունը. իմացեք ինքնավնասման նախազգուշական նշանների մասին և այն, թե ինչ անել, երբ կասկածում եք ինչ-որ մեկի մոտ դրա առկայության մասին:
- Խրախուսեք ընկերներին, որ օգնության դիմեն. հասակակիցները հակված են հավատարիմ լինել իրենց ընկերներին: Խրախուսեք երեխաներին, դեռահասներին և երիտասարդներին, որ խուսափեն գաղտնապահությունից և դիմեն օգնության, եթե մտահոգություն ունեն ընկերոջ կամ ընտանիքի անդամի մասին:
- Խոսեք լրատվամիջոցների ազդեցության մասին. լրատվամիջոցները, սոցիալական ցանցերը, երաժշտությունը և այլ շատ միջոցներ կարող են մտավոր կամ հուզական խնդիրներ ունեցող երեխաներին և երիտասարդներին մղել ինքնավնասման: Երեխաներին շրջապատող ազդեցությունների վերաբերյալ քննադատական մտածողության հմտություններ սովորեցնելը կարող է նվազեցնել արտաքին վնասակար ազդեցությունը:
Հոդվածը տեղադրվել է՝ 24-04-2023 վերանայվել է՝ 24-04-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
