Գրադարան
Կոկորդի ցավ․ կանխարգելում
1 րոպե
Կոկորդի ցավի կանխելու լավագույն միջոցը դրանք առաջացնող մանրէներից խուսափելն է և լավ հիգիենայի պահպանումը:
Հետևեք այս խորհուրդներին և սովորեցրեք ձեր երեխային անել նույնը:
- Լվացեք ձեռքերը մանրակրկիտ և հաճախակի առնվազն 20 վայրկյան, հատկապես զուգարանից օգտվելուց հետո, ուտելուց առաջ և հետո, ինչպես նաև փռշտալուց կամ հազալուց հետո:
- Խուսափեք ձեր դեմքին դիպչելուց. խուսափեք ձեր աչքերին, քթին կամ բերանին դիպչելուց, հատկապես, եթե ձեր ձեռքերը մաքուր չեն:
- Խուսափեք մթերքը, խմելու բաժակները կամ սպասքի պարագաներն այլոց հետ համատեղ օգտագործելուց:
- Հազացեք կամ փռշտացեք անձեռոցիկի մեջ, որն անմիջապես դեն նետեք, ապա լվացեք ձեռքերը: Անհրաժեշտության դեպքում փռշտացեք ձեր ծալված արմունկի մեջ:
- Օգտագործեք ալկոհոլային հիմքով ախտահանող միջոցներ՝ որպես ձեռքերը լվանալու այլընտրանք, եթե օճառն ու ջուրը հասանելի չեն:
- Խուսափեք բերանին հպել հանրային օգտագործման հեռախոսները կամ ցայտաղբյուրների ծորակները։
- Պարբերաբար մաքրեք և ախտահանեք հեռախոսները, դռան բռնակները, լույսի անջատիչները, հեռակառավարման վահանակները և համակարգչային ստեղնաշարները։ Երբ ճանապարհորդում եք, մաքրեք հեռախոսները, լույսի անջատիչները և հեռակառավարման վահանակները ձեր հյուրանոցի համարում:
- Խուսափեք սերտ շփումից այն մարդկանց հետ, ովքեր հիվանդ են կամ ունեն ախտանիշներ:
Հոդվածը տեղադրվել է՝ 05-07-2021 վերանայվել է՝ 07-03-2023
Հեղինակ
Հեղինակային բոլոր իրավունքները պատկանում են Մեդեքսին։
Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:
