Կոկորդի ցավ․ բուժում

2 րոպե

Վիրուսային վարակով պայմանավորված կոկորդի ցավը սովորաբար տևում է 5-ից 7 օր և ընդհանուր առմամբ որևէ դեղորայքային բուժում չի պահանջում։

Հակաբիոտիկները վիրուսային վարակի բուժմանը չեն օգնում:

Ցավը ու ջերմությունը թեթևացնելու համար շատ մարդիկ դիմում են Ացետամինոֆենին (Թայլենոլ, Պարացետամոլ և այլն) կամ այլ թույլ ցավազրկողներին:

Նույն ախտանիշները մեղմացնելու համար ձեր երեխային տվեք դեղատոմս չպահանջող այնպիսի ցավազրկող, որը նախատեսված է նորածինների կամ երեխայիների համար, ինչպիսիք են Ացետամինոֆենը (Մանկական Թայլենոլ, FeverAll և այլն) կամ Իբուպրոֆեն (Մանկական Ադվիլ, Մանկական Մոտրին և այլն)։

Երեխաներին կամ դեռահասներին երբեք մի՛ տվեք Ասպիրին, քանի որ այն կապված է Ռեյի համախտանիշի հետ՝ հազվադեպ, սակայն պոտենցիալ կյանքին սպառնացող վիճակ, որն առաջացնում է լյարդի և գլխուղեղի այտուց:

Բակտերիալ վարակների բուժումը

Եթե ձեր կամ ձեր երեխայի կոկորդի ցավը պայմանավորված է բակտերիալ վարակով, ձեր բժիշկը կամ մանկաբույժը կնշանակեն հակաբիոտիկներ:

Դուք կամ ձեր երեխան պետք է ընդունեք հակաբիոտիկների ամբողջական կուրսը, ինչպես նշանակված է, նույնիսկ եթե ախտանիշներն անհետացել են: Բուժման կուրսն անավարտ թողնելը կարող է հանգեցնել վարակի վատթարացման կամ օրգանիզմի այլ շրջաններ տարածմանը:

Ստրեպտոկոկի հակաբիոտիկային բուժման կուրսը կիսատ թողնելը կարող է բարձրացնել երեխայի ռևմատիզմի կամ երիկամների լուրջ բորբոքման ռիսկը:

Զրուցեք ձեր բժշկի հետ, եթե պատահաբար բաց եք թողել հակաբիոտիկի հերթական դեղաչափը:

Այլ բուժումներ

Եթե կոկորդի ցավը հանդես է գալիս որպես այլ հիվանդության, այլ ոչ թե վարակային կամ բակտերիալ վարակի ախտանիշ, ապա ամենայն հավանականությամբ բժիշկը, կախված ախտորոշումից, կառաջարկի բուժման այլ միջոցներ: