Ֆարինգիտ (ըմպանաբորբ)

Ըմպանաբորբն ըմպանի ցավն է, քերծման զգացողությունը կամ գրգռումը, որը հաճախ վատթարանում է կուլ տալիս:

Բժշկական փաստաթղթերում հիվանդ ըմպանը նշվում է որպես ֆարինգիտ (ըմպանի լորձաթաղանթի բորբոքում կամ ըմպանաբորբ):

Ըմպանաբորբի ամենատարածված պատճառը վիրուսային վարակն է, օրինակ՝ ընդհանուր մրսածություն (սուր շնչառական վիրուսային վարակ) կամ գրիպ: Վիրուսով հարուցված ըմպանաբորբն ինքնուրույն լավանում է:

«Ստրեպտոկոկային ըմպանը» (ստրեպտոկոկային վարակ) ըմպանաբորբի ավելի հազվադեպ հանդիպող տեսակ է, որը հարուցվում է թարախածին ստրեպտոկոկ (Strepococcus pyogenes) բակտերիայով և պահանջում է հակաբիոտիկներով բուժում, որ կանխարգելվեն հնարավոր բարդությունները: Ստրեպտոկոկային ֆարինգիտը կարող է ստանալ ավելի ծանր ընթացք և բերել ինքնազգացողության կտրուկ վատթարացման: Ըմպանաբորբի ավելի հազվադեպ հանդիպող տեսակները կարող են պահանջել ավելի համալիր բուժումներ:

Եթե ունեք ձգձգվող ընթացքով ըմպանաբորբ, առավել ևս, եթե այն ուղեկցվում է այլ գանգատներով կամ երևույթներով, դիմեք բժշկին: Հազ ունենալիս դուք կարող եք դիմել նաև ինքնօգնության որոշ քայլերի:

Հոդվածը վերանայվել է՝ 11-07-2021