Ախտանիշներ - Կոկորդի ցավ

Կոկորդի ցավի ախտանիշները կարող են տարբերվել՝ կախված են պատճառից:

Գանգատները և ախտանիշները կարող են ներառել՝

• կոկորդում ցավ կամ քերծման զգացողություն
• ցավ, որը սաստկանում է կուլ տալուց կամ խոսելիս
• կուլ տալու դժվարություն
• ցավոտ և այտուցված պարանոցի կամ ստորին ծնոտի գեղձեր (ավշային հանգույցներ)
• այտուցված և կարմրած նշագեղձեր
• նշագեղձերի վրա սպիտակ փառեր կամ թարախ
• խզված, խռպոտած կամ խլացած ձայն:

Կոկորդի ցավ առաջացնող վարակները նաև կարող են առաջացնել այլ գանգատներ և ախտանիշներ, ներառյալ՝

• ջերմություն
• հազ
• «հոսող քիթ» (քթահոսություն)
• փռշտոց
• մարմնի ջարդվածություն և ցավեր
• գլխացավ
• սրտխառնոց կամ փսխում:

Ե՞րբ դիմել բժշկին

Երեխայի հետ այցելեք բժշկին, եթե առավոտյան առաջին անգամ ջուր խմելուց հետո երեխայի կոկորդի ցավը չի անհետանում (ինչպես խորհուրդ է տալիս Ամերիկյան մանկաբույժների ասոցիացիան):

Անհապաղ դիմեք բուժօգնություն, եթե ձեր երեխան ունի ծանր գանգատներ և ախտանիշներ, ինչպիսիք են՝

• շնչառության դժվարացում
• կուլ տալու դժվարացում
• անսովոր թքահոսություն, որը կարող է վկայել կուլ տալու անկարողության մասին:

Եթե չափահաս եք, այցելեք բժշկին, եթե ունեք կոկորդի ցավ և հետևյալ փոխկապված խնդիրներից որևէ մեկը (ինչպես խորհուրդ է տալիս Ամերիկյան Оտոռինոլարինգոլոգների ակադիեմիան)՝

• կոկորդի ցավ, որն ուժեղ է կամ տևում է 1 շաբաթից ավելի
• կլման դժվարացում
• շնչառության դժվարացում
• բերանը բացելու դժվարություն
• ցավ հոդերում
• ցավ ականջներում
• ցան
• 38.3° C-ից բարձր ջերմություն
• արյուն թքում կամ խորխում
• հաճախակի կրկնվող կոկորդի ցավեր
• պարանոցում գնդաձև գոյացություն
• ձայնի խռպոտում, որը շարունակվում է 2 շաբաթից ավելի
• այտուց պարանոցի կամ դեմքի վրա: