Շուտով մեր կայքում կգործարկվի օնլայն խորհրդատվության ծառայությունը
Մենք կպատրաստենք հատուկ էջ, որտեղ դուք կկարողանաք հրապարակել Ձեր հարցը կամ մտահոգությունը, իսկ մենք կփորձենք պատասխանել Ձեզ:
Կայքի մյուս այցելուներին տեսանելի կլինեն Ձեր հարցը և մեր պատասխանը՝ առանց Ձեր անձնական կամ այլ տվյալները գաղտնազերծելու:
Մեդեքսի օնլայն գործիքները թույլ են տալիս գնահատել Ձեր առողջության որոշ ցուցանիշներ:
Խնդրում ենք հաշվի առնել, որ դրանք չեն փոխարինում Ձեր բժշկին: Ուստի, առողջական խնդիրներ հայտնաբերելիս դիմեք Ձեր բժշկին, իսկ անհետաձգելի բուժօգնության կարիքի դեպքում առանց հետաձգելու զանգեք 1-03:
Ինսուլտը ծանր հիվանդություն է, որն առաջանում է, երբ գլխուղեղի մի մասի արյունամատակարարումն ընդհատվում է։
Բոլոր օրգանների պես, գլխուղեղը նույնպես արյան միջոցով թթվածնով և սննդանյութերով մշտական ապահովման կարիք ունի։
Ավելին, ուղեղանյութն առավել զգայուն է այդ նյութերով ապահովման տեղաշարժերի նկատմամբ, և ուղեղի բջիջները նույնիսկ կարճ ժամանակի ընթացքում չստանալով համարժեք արյուն, մահանում են, ինչն էլ բերում է ուղեղի վնասման, նրա գործունեության կտրուկ խաթարման և արդյունքում՝ մարդու հնարավոր մահվան։
Ահա թե ինչու ինսուլտը համարվում է բժշկական անհետաձգելի վիճակ և պահանջում է անհապաղ մասնագիտական օգնություն։ Որքան շուտ սկսվի ինսուլտով հիվանդի բուժումը, այդքան ավելի լավ արդյունքներ կարելի է ակնկալել։
Ինսուլտի հիմնական ախտանշանները կարելի է հիշել՝ օգտվելով անգլերեն «FAST» հապավումից:
Ծխելը, գիրությունը, ֆիզիկապես թերակտիվ (նստակյաց) ապրելակերպը, ոչ առողջ սննդակարգը, ալկոհոլային խմիչքների հաճախակի և մեծ քանակներով օգտագործելը համարվում են ինսուլտի զարգացման հավանականությունը բարձրացնող գործոններ։
Արյան շրջանառության վրա ազդող վիճակներից արյան բարձր ճնշումը, բարձր խոլեսթերինը, նախասրտերի շողացումը (ոչ ռիթմիկ սրտխփոց) և շաքարային դիաբետը (շաքարախտ) նույնպես բարձրացնում են ինսուլտի ռիսկը։
Զրուցեք ձեր բժշկի հետ այն մասին, թե դուք ինսուլտի առաջացման ռիսկի ո՞ր խմբին եք պատկանում և կարիք կա՞ արդյոք, որ դուք հետազոտվեք կամ բուժում ստանաք՝ նվազեցնելու ձեզ մոտ այս հիվանդության զարգացման ռիսկը։
Հոդվածը վերանայվել է՝ 18-05-2019
