Բարդություններ - Տախիկարդիա

​Տախիկարդիաները, հատկապես փորոքային ծագման, կարող են առաջացնել լուրջ, երբեմն՝ կյանքին սպառնացող բարդություններ:

Տախիկարդիայի բարդությունները կախված են`

• տախիկարդիայի տեսակից
• սրտազարկի հաճախականությունից
• արագացած սրտազարկի տևողությունից
• այլ սրտային հիվանդությունների առկայությունից:

Տախիկարդիա ունեցող որոշ մարդիկ ունեն արյան մակարդուկի (թրոմբի) առաջացման բարձրացած ռիսկ, որը կարող է առաջացնել ինսուլտ (ռիսկն ամենաբարձրն է շողացող առիթմիայի դեպքում) կամ սրտամկանի ինֆարկտ: Բժիշկը կարող է նշանակել արյունը «ջրիկացնող» դեղամիջոցներ, որ օգնի ձեր ռիսկի նվազեցմանը:

Տախիկարդիայի մյուս հնարավոր բարդություններից են՝

• հաճախակի ուշաթափություններ կամ ուշագնացություններ
• սրտի կողմից բավարար արյուն արտամղելու անկարողություն (սրտային անբավարարություն)
• հանկարծամահություն, որը սովորաբար կապված է միայն փորոքային տախիկարդիայի կամ փորոքների ֆիբրիլյացիայի հետ: