Նկարագիր - Կրծքային աորտայի անևրիզմա

Կրծքային աորտայի անևրիզման օրգանիզմի գլխավոր զարկերակի՝ աորտայի թուլացած հատվածն է, երբ վերջինս անցնում է կրծքավանդակի խոռոչով:

Երբ աորտայի պատը թույլ է, այս զարկերակը կարող է լայնանալ: Երբ անոթը զգալիորեն լայնանացած է, այսպիսի վիճակը կոչվում է անևրիզմա:

Կրծքային աորտայի անևրիզման նաև կոչվում է կրծքային անևրիզմա:

Կրծքային աորտայի անևրիզմայի բուժումը կարող է տարբեր լինել՝ սկսած կանոնավոր բժշկական այցերից և ստուգումներից մինչև շտապ վիրահատություն: Բուժման տեսակը կախված է կրծքային աորտայի անևրիզմայի պատճառից, չափից և աճի արագությունից:

Կրծքային աորտայի անևրիզմայի բարդությունները ներառում են կյանքին սպառնացող աորտայի պատռվածք կամ պատռվածք աորտայի պատի շերտերի միջև, որը կոչվում է շերտազատում (դիսսեկցիա): Պատռվածքը կամ շերտազատումը կարող են հանգեցնել հանկարծամահության:

Կրծքային աորտայի անևրիզմաներն ավելի քիչ տարածված են, քան այն անևրիզմաները, որոնք ձևավորվում են աորտայի ստորին՝ որովայնի խոռոչով անցնող հատվածում, որոնք կոչվում են որովայնային աորտայի անևրիզմաներ: