Բուժում - Տուբերկուլոզ

Եթե ունեք թաքնված տուբերկուլոզ, բժիշկը կարող է խորհուրդ տալ դեղամիջոցներով բուժում, եթե ակտիվ տուբերկուլոզի զարգացման բարձր ռիսկի տակ եք:

Ակտիվ տուբերկուլյոզի դեպքում պետք է հակաբիոտիկներ ընդունել առնվազն վեցից ինը ամիս:

Կոնկրետ դեղերի տեսակները և բուժման տևողությունը կախված են ձեր տարիքից, ընդհանուր առողջական վիճակից, դեղորայքի նկատմամբ հնարավոր կայունությունից և ձեր օրգանիզմում վարակի գտնվելու վայրից:

Ամենահաճախ օգտագործվող հակատուբերկուլոզային դեղամիջոցները

Եթե ունեք թաքնված (լատենտ) տուբերկուլոզ, ձեզ կարող է անհրաժեշտ լինել ընդունել միայն մեկ կամ երկու տեսակի տուբերկուլոզի դեմ դեղամիջոց: Ակտիվ տուբերկուլոզը, հատկապես, եթե դեղակայուն է, կպահանջի միաժամանակ մի քանի դեղամիջոցի օգտագործում: Տուբերկուլոզի բուժման համար օգտագործվող ամենատարածված դեղամիջոցներից են՝

• Իզոնիազիդ
• Ռիֆամպին (Ռիֆադին, Ռիմակտան)
• Էթամբուտոլ (Միամբուտոլ)
• Պիրազինամիդ:

Եթե ունեք դեղակայուն տուբերկուլյոզ, հակաբիոտիկների համակցությունը՝ կազմված ֆտորխինոլիններով և ներարկային դեղամիջոցներիվ, ինչպիսիք են Ամիկացինը կամ Կապրեոմիցինը (Կապաստատ), սովորաբար նշանակվում են 20-30 ամսվա համար: Տուբերկուլոզի որոշ տեսակներ այս դեղամիջոցների նկատմամբ նույնպես կարող են զարգացնել կայունություն:

Որոշ դեղամիջոցներ կարող են ավելացվել բուժմանը՝ դեղերի կայունությանը հակազդելու համար, այդ թվում՝

• Բեդաքվիլին (Սիրտուրո)
• Լինեզոլիդ (Զիվոքս):

Դեղերի կողմնակի ազդեցությունները

Տուբերկուլոզի բուժման դեղերը հազվադեպ են լուրջ կողմնակի ազդեցություններ թողնում, սակայն, եթե առաջանում են, կարող են դառնալ վտանգավոր: Հակատուբերկուլոզային բոլոր դեղերը կարող են լյարդի վրա թողնել թունավոր ազդեցություն: Եթե ընդունում եք նման դեղեր, անմիջապես կապ հաստատեք ձեր բժշկի հետ, եթե նկատել եք հետևյալ նշաններից մեկնումեկը՝

• սրտխառնոց կամ փսխում
• ախորժակի կորուստ
• մաշկի դեղնություն (դեղնուկ)
• մեզի մգացում
• հեշտ կապտուկ կամ արյունահոսություն
• մշուշոտ տեսողություն:

Բուժումն ավարտելը կարևոր է

Դեղորայքային բուժումը սկսելուց մի քանի շաբաթ անց դուք այլևս վարակիչ չեք լինի և կարող եք ավելի լավ զգալ: Մի՛ դադարեցրեք ձեր տուբերկուլոզի դեմ դեղամիջոցների ընդունումը. դուք պետք է ավարտեք բուժման ամբողջական կուրսը և ընդունեք ձեր դեղամիջոցները ճիշտ այնպես, ինչպես նշանակել և հրահանգել է ձեր բժիշկը:

Բուժումը շատ շուտ դադարեցնելը կամ դեղաչափերը բաց թողնելը կարող են նպաստել, որ բակտերիաները, որոնք դեռ կենդանի են, կայունանան ձեր ընդունած դեղերի նկատմամբ, ինչը կհանգեցնի շատ ավելի վտանգավոր է և դժվար բուժելի դեղակայուն տուբերկուլոզի զարգացմանը:

Անմիջապես դիտարկվող թերապիա (DOT) կոչվող ծրագիրը կարող է օգնել մարդկանց իրենց բուժման ռեժիմին հետևողական մնալուն: Բուժաշխատողը ձեզ է տալիս ձեր դեղորայքը, որպեսզի դուք ստիպված չլինեք հիշել, որ այն ինքնուրույն ընդունեք: