Մեզում էրիթրոցիտներ

Ընդհանուր նկարագրություն

Մեզում էրիթրոցիտների առկայությունը երիկամային կամ ուրոլոգիական տարբեր հիվանդությունների և հեմոռագիկ դիաթեզի լաբորատոր ցուցանիշներից է:

Էրիթրոցիտները (ինչպես և արյան մյուս ձևավոր տարրերը) մեզում հայտնվում են արյունից:

Ֆիզիոլոգիական էրիթրոցիտուրիան չի անցնում մինչև 5 էրիթրոցիտ/մկլ-ը և չի ազդում մեզի գույնի վրա:

Էրիթրոցիտուրիան կարող է ի հայտ գալ երիկամային և ուրոլոգիական տարբեր հիվանդությունների ժամանակ: Այն նաև հեմոռագիկ դիաթեզի լաբորատոր ցուցանիշներից է:

Հեմատուրիան (արյունամիզություն) կարող է զարգանալ միզատար համակարգի ցանկացած կետի արյունահոսությունից:

Պետք է հաշվի առնել, որ մեզում էրիթրոցիտների առկայությունը կարող է պայմանավորված լինել կանանց մոտ դաշտանային արտազատուկներովգ մեզի աղտոտման դեպքում:

Հետազոտության ցուցումներ

• միզուղիների հիվանդություններ
• սքրինինգ` կանխարգելիչ հետազոտությունների համատեքստում
• տարաբնույթ հիվանդությունների ընթացքի և բարդությունների գնահատում
• հիվանդությունների բուժման արդյունավետության գնահատում

Կենսանմուշ

«Մեզում էրիթրոցիտներ» թեսթի համար հանձնվող կենսանմուշն է՝ առավոտյան 1-ին մեզ, երկրորդ չափաբաժին։

Կենսանմուշի հանձնում

Մեզի ընդհանուր հետազոտության համար անհրաժեշտ է միանվագ օգտագործման տարայում հավաքել առավոտյան մեզի միջին պորցիաները:

Մեզը հանձնելու նախորդ օրը խորհուրդ չի տրվում ընդունել այնպիսի մրգեր կամ բանջարեղեններ, որոնք կարող են գունավորել մեզը:

Նույն կերպ, մեզը հանձնելու նախորդ օրը խորհուրդ չի տրվում ընդունել միզամուղներ: Նման դեպքերում անհրաժեշտ է խորհրդակցել բուժող բժշկի հետ մեկ օրով միզամուղի ընդունումը դադարեցնելու նպատակահարմարության մասին:

Չափման միավորներ

Միջազգային չափման միավոր (SI համակարգ)

• ապարատային չափմամբ՝ բջ/մկլ (ERY/µL, էրիթրոցիտ/միկրոլիտր)
• մանրադիտակային զննմամբ՝ էրիթրոցիտների թիվը տեսադաշտնում

Նորմալ (ռեֆերենս) միջակայքեր

Համընդհանուր օգտագործվող միջակայքեր

• ապարատային չափմամբ՝ Բացասական (< 5 էրիթրոցիտ/մկլ)
• միկրոսկոպիայով՝ տղամարդիկ՝ < 2 էրիթրոցիտ/տեսադաշտ

Արդյունքների մեկնաբանություն

Մեզում էրիթրոցիտների առկայություն (էրիթրոցիտուրիա, հեմատուրիա)

• միզուղիներում քարերի առկայություն
• միզասեռական համակարգի ուռուցքներ
• գլոմերուլոնեֆրիտ
• պիելոնեֆրիտ
• հեմոռագիկ դիաթեզներ (հակամակարդիչներով բուժման անտանելիություն, հեմոֆիլիաներ, արյան մակարդելիության խանգարումներ, թրոմբոցիտոպենիաներ, թրոմբոցիտոպաթիաներ)
• միզուղիների վարակներ (ցիստիտ, ուրոգենիտալ տուբերկուլոզ)
• երիկամների վնասվածքներ
• երիկամային անոթների ներգրավմամբ զարկերակային գերճնշում
• համակարգային կարմիր գայլախտ (լուպուս-նեֆրիտ)
• թունավորում բենզոլի, անիլինի ածանցյալներով, օձի թույնով, թունավոր սկներով
• հակամակարդիչներով ոչ համարժեք բուժում

Միջազգային անվանումներ

Միջազգային (անգլերեն) լրիվ անվումը՝ Urine Erythrocytes

Միջազգային (անգլերեն) հապավումը՝ UE