Մեզում լեյկոցիտներ

Ընդհանուր նկարագրություն

Մեզում լեյկոցիտների հայտնվելը կամ լեյկոցիտուրիան երիկամների և (կամ) ստորին միզուղիների բորբոքման լաբորատոր ցուցանիշներից է:

Մեզում լեյկոցիտների բարձրացած քանակությունը (լեյկոցիտուրիա) քրոնիկ բորբոքումների ավելի հուսալի ցուցանիշ է, քան բակտերուրիան, որը հաճախ կարող է և չհայտնաբերվել: Մեզում լեյկոցիտների չափից դուրս մեծ քանակության դեպքում մեզում թարախը կարող է հայտնաբերվել նաև մակրոսկոպիորեն, որը կոչվում է «թարախամիզություն» (պիուրիա):

Պետք է հաշվի առնել, որ մեզում լեյկոցիտերի առկայությունը կարող է պայմանավորված լինել արտաքին սեռական օրգանների արտազատուկներով մեզի աղտոտման դեպքում (վուլվովագինիտ, արտաքին սեռական օրգանների ոչ պատշաճ հիգիենա և այլն):

Հետազոտության ցուցումներ

• միզատար ուղիների հիվանդություններ
• սքրինինգ` կանխարգելիչ հետազոտությունների համատեքստում
• տարաբնույթ հիվանդությունների ընթացքի և բարդությունների գնահատում
• հիվանդությունների բուժման արդյունավետության գնահատում

Կենսանմուշ

«Մեզում լեյկոցիտներ» թեսթի համար հանձնվող կենսանմուշն է՝ առավոտյան մեզ, երկրորդ չափաբաժին։

Կենսանմուշի հանձնում

Մեզի ընդհանուր հետազոտության համար անհրաժեշտ է միանվագ օգտագործման տարայում հավաքել առավոտյան մեզի միջին չափաբաժինները:

Մեզը հանձնելու նախորդ օրը խորհուրդ չի տրվում ընդունել այնպիսի մրգեր կամ բանջարեղեններ, որոնք կարող են գունավորել մեզը:

Նույն կերպ, մեզը հանձնելու նախորդ օրը խորհուրդ չի տրվում ընդունել միզամուղներ: Նման դեպքերում անհրաժեշտ է խորհրդակցել բուժող բժշկի հետ մեկ օրով միզամուղի ընդունումը դադարեցնելու նպատակահարմարության մասին:

Չափման միավորներ

Միջազգային չափման միավորներ

• ապարատային չափմամբ՝ բջ/մկլ (LEU/µL, լեյկոցիտ/միկրոլիտր)
• մանրադիտակային զննմամբ՝ լեյկոցիտների թիվը տեսադաշտնում

Նորմալ (ռեֆերենս) միջակայքեր

Համընդհանուր օգտագործվող միջակայքեր

• ապարատային չափմամբ՝ բացասական (մինչև 10 լեյկոցիտ/մկլ)
• միկրոսկոպիայով՝ տղամարդիկ՝ < 3 լեյկոցիտ/տեսադաշտ, կանայք՝ < 5 լեյկոցիտ/տեսադաշտ

Արդյունքների մեկնաբանություն

Մեզում լեյկոցիտների առկայություն (լեյկոցիտուրիա)

• սուր և քրոնիկ պիելոնեֆրիտ, գլոմերուլոնեֆրիտ
• միզապարկի բորբոքում (ցիստիտ), միզուկի բորբոքում (ուրետրիտ), տղամարդկանց մոտ՝ շագանակագեղձի բորբոքում (պրոստատիտ)
• միզուղիներում քարեր
• տուբուլոինտերստիցիալ նեֆրիտ
• լուպուս-նեֆրիտ
• փոխպատվաստված երիկամի անջատում

Միջազգային անվանումներ

Միջազգային (անգլերեն) լրիվ անվումը՝ Urine Leukocytes

Միջազգային (անգլերեն) հապավումը՝ UL