Քաղցկեղ. բուժումներ

Քաղցկեղ. բուժումներ

Կան քաղցկեղի բուժման տարատեսակ մեթոդներ, որոնք ժամանակի ընթացքում կատարելագործվում են:

Բուժման տեսակը սովորաբար կախված է քաղցկեղի տեսակից, տեղակայումից, զարգացան փուլից, ինչպես նաև ձեր ընդհանուր առողջական վիճակից (այդ թվում՝ ուղեկցող հիվանդություններից):

Քաղցկեղի բուժման տարբերակներից են՝

  • քիմիոթերապիա, երբ նշանակվում են հզոր և քաղցկեղային բջիջները ոչնչացնող դեղեր (որոնք ոչ նորմալ բջիջներից բացի վնասում են նաև նորմալ բջիջները)
  • ճառագայթային բուժում (ռադիոթերապիա), երբ նույն նպատակի համար օգտագործվում են կառավարելի բարձր դոզավորման ռենտգենյան ճառագայթներ
  • վիրահատություն, երբ վիրահատական ճանապարհով հեռացվում են քաղցկեղային հյուսվածքները, որպես կանոն՝ նաև հարակից ավշային գեղձերը
  • իմունոթերապիա, երբ նշանակվում են դեղեր, որոնց օգնությամբ փորձ է արվում քաղցկեղի դեմ պայքարին ներգրավել ձեր իմունային համակարգը
  • թիրախային բուժում, երբ օգտագործվում են դեղեր, որոնք առավելապես ազդում են միայն քաղցկեղային բջիջների վրա (և հնարավորինս չեն վնասվում նորմալները)
  • հորմոնային բուժում, երբ քաղցկեղի տարածումը կանխելու համար նշանակվում են հորմոնային դեղեր
  • ցողունային բջիջների (ոսկրածուծի) փոխպատվաստում, որի նպատակն արյան որոշ չարորակ հիվանդությունների բուժումն է
  • պալիատիվ խնամք, որի նպատակը քաղցկեղով հիվանդ մարդու կյանքի որակը բարելավելն է
  • օժանդակող բուժումներ, որոնք թույլ են տալիս հաղթահարել բուժման կողնակի ազդեցությունները կամ հետևանքները:

Քաղցկեղի բուժումը լավագույն դեպքում կազմակերպվում է տարբեր մասնագիտությունների տեր բժիշկների համատեղ ջանքերով՝ ուռուցքաբան, ճառագայթաբան, վիրաբույժ, ախտորոշիչ ծառայության մասնագետներ, բուժքույրեր, ինչպես նաև՝ ընտանեկան բժիշկ:

Այլընտրանքային բժշկություն

Որևէ այլընտրանքային բուժման մեթոդի արդյունավետությունը քաղցկեղի բուժման մեջ ապացուցված չէ: Սակայն այս մեթոդները կարող են օգնել քաղցկեղի ախտանիշները և բուժման կողմնակի ազդեցությունները մեղմացնելու գործում, ինչպիսիք են թուլությունը, սրտխառնոցը կամ ցավը:

Զրուցեք ձեր բժշկի հետ այն մասին, թե ձեր հիվանդության պայմաններում որ մեթոդը կարող է օգտակար լինել: Մասնավորապես, քաղցկեղի ժամանակ որոշակի դրական ազդեցություն կարող են ունենալ հետևյալ այլընտրանքային բուժման մեթոդները՝

Հոդվածը վերանայվել է՝ 31-05-2020