Գրադարան

Խորանիստ երակների թրոմբոզ. ախտանիշներ

Խորանիստ երակների թրոմբոզ. ախտանիշներ

Time Read 1 րոպե

Խորանիստ երակների թրոմբոզի (ԽԵԹ) ախտանիշները կարող են ներառել հետևյալը`

  • ոտքի այտուց
  • ոտքի ցավ, ջղաձգումներ կամ ցավոտություն, որոնք հաճախ սկսվում են սրունքի ետնամասում
  • ոտքի գույնի փոփոխություն, ինչպիսիք են կարմրությունը կամ մանուշակագույն երանգավորումը՝ կախված ձեր մաշկի գույնից
  • տուժած ոտքում տաքության զգացում:

Խորանիստ երակների թրոմբոզը նաև կարող է զարգանալ առանց նկատելի ախտանիշների:

Ե՞րբ դիմել բժշկին

Եթե ձեզ մոտ զարգանում են ԽԵԹ-ի ախտանիշներ, առանց հետաձգելու կապ հաստատեք ձեր բժշկի հետ:

Եթե ձեզ մոտ ի հայտ են գալիս թոքային էմբոլիայի ախտանիշներ, որը նաև կոչվում է թոքային զարկերակների թրոմբոէմբոլիա (ԹԶԹԷ) և հանդիսանում է խորանիստ երակների թրոմբոզի կյանքին սպառնացող բարդություն, անմիջապես զանգեք 1-03 և կանչեք շտապ օգնություն կամ դիմեք անհետաձգելի բժշկական օգնության:

Թոքային էմբոլիայի մասին հուշող գանգատներն ու ախտանիշները ներառում են հետևյալը՝

  • հանկարծակի շնչարգելություն և հևոց, իսկ ծանր դեպքերում՝ շնչահեղձություն
  • կրծքավանդակային ցավ կամ անհարմարավետություն, որը սրվում է խորը շունչ քաշելիս կամ հազալիս
  • ուշագնացության զգացում (նախաուշագնացություն) կամ գլխապտույտ
  • ուշագնացություն
  • հաճախացած անոթազարկ (պուլս)
  • հաճախացած շնչառություն
  • արյունային հազ (արյունախխում):

Իմացե՛ք ավելին թոքային էմբոլիայի մասին:

Հոդվածը տեղադրվել է՝ 06-01-2024 վերանայվել է՝ 06-01-2024

Հեղինակ

Հեղինակային բոլոր իրավունքները պատկանում են Մեդեքսին։

Մեդեքս-հեղինակների մասին
Մեր կայքի հոդվածները պատրաստվում են տարբեր ոլորտների փորձառու բժիշկների և առողջապահության մասնագետների կողմից՝ օգտագործելով բժշկագիտության վերջին տվյալները և լավագույն փորձը:

Նույն այս թեմայով