Ախտանիշներ - Շաքարային դիաբետ

Դիաբետի ախտանիշները հիվանդության տարբեր տեսակների կամ տարբեր մարդկանց միջև կարող են լինել խիստ փոփոխական։

1-ին տիպի դիաբետի ախտանիշները

1-ին տիպի դիաբետի ախտանիշները կարող են զարգանալ հանկարծակի։ Դրանցից են՝

• մշտական ծարավ և քաղց
• հաճախակի միզարձակում, ներառյալ՝ գիշերային անմիզապահություն
• հոգնածություն
• չնախատեսված քաշի կորուստ
• մշուշոտ տեսողություն
• մաշկի վնասվածքների կամ վերքերի ուշ լավացում
• քոր առաջացնող մաշկային վարակներ
• տրամադրության անկայունություն
• գլխացավ
• գլխապտույտ
• ցավեր ոտքերում
• դեռահաս աղջիկների մոտ՝ հեշտոցային քոր կամ արտադրուկ
• սրտխառնոց և փսխում։

2-րդ տիպի դիաբետի ախտանիշներ

2-րդ տիպի դիաբետով բազմաթիվ մարդիկ կարող են որևէ գանգատ չներկայացնել։ Հիվանդության ախտանիշները սովորաբար զարգանում են դանդաղ և աստիճանաբար։ Ոչ հազվադեպ այդ նշանները շփոթում են տարիքային փոփոխությունների հետ։ Դրանից են՝

• մշուշոտ տեսողություն
• հոգնածություն
• ավելի հաճախակի միզարձակում
• մշտական ծարավ և քաղց
• ոտքերում կամ ոտնաթաթերում թմրածություն և ծածկոցներ
• հաճախակի կրկնվող վարակներ
• քոր առաջացնող մաշկային վարակներ
• մաշկի վնասվածքների և վերքերի ուշ լավացում
• քաշի աստիճանական կորուստ
• տրամադրության անկայունություն
• գլխացավ
• գլխապտույտ
• ցավեր ոտքերում։

Ե՞րբ դիմել բժշկին

Այցելեք ձեր բժշկին, եթե ի հայտ են եկել վերոնշյալ ախտանիշներից մեկը կամ մի քանիսը։ Շատ կարևոր է, որ դիաբետն ախտորոշվի և բուժումը կազմակերպվի հնարավորինս վաղ, քանի դեռ չեն հասցրել զարգանալ դիաբետի ծանր և անդառնալի բարդությունները։