Դիաբետիկ նեյրոպաթիան նյարդային վնասման մի տեսակ է, որը կարող է առաջանալ, եթե ունեք շաքարային դիաբետ:
Բարձր արյան շաքարը (գլյուկոզա) կարող է վնասել ամբողջ օրգանիզմի նյարդերը: Դիաբետիկ նեյրոպաթիան առավել հաճախ վնասում է ոտքերի և ոտնաթաթերի նյարդերը:
Կախված ախտահարված նյարդերից՝ դիաբետիկ նեյրոպաթիայի ախտանիշները ներառում են ոտքերի, ոտնաթաթերի և դաստակների ցավ և թմրածություն: Այն նաև կարող է խնդիրներ առաջացնել մարսողական համակարգի, միզուղիների, արյունատար անոթների և սրտի հետ: Որոշ մարդիկ ունեն թեթև ախտանիշներ, սակայն, մյուսների համար դիաբետիկ նեյրոպաթիան կարող է բավականին ցավոտ լինել և հասցնել հաշմանդամության:
Դիաբետիկ նեյրոպաթիան շաքարային դիաբետի ծանր բարդություն է, որը կարող է ազդել դիաբետով հիվանդների 50%-ի վրա: Այնուամենայնիվ, հաճախ դուք կարող եք կանխել դիաբետիկ նեյրոպաթիան կամ դանդաղեցնել դրա զարգացումն արյան շաքարի հետևողական կառավարմամբ և առողջ ապրելակերպով:
Հոդվածը հրապարակվել է՝ 13-05-2018
Վերջին վերանայում՝ 23-04-2024